Raetem wan Parabol

Tingbaot wan samting insaed long gospel we yu wantem blong tijim long ol narafala man. ?Wanem samting o eksampol yu save yusum blong tijim? Droem o raetem wan samting abaot hem long ples ia.

Eksampol: Fet i olsem wan sid from hem i save gro smosmol evritaem.

Mekem Bred blong Yuwan

Yu save yusum resepi ia blong mekem aktiviti long pej 11.

1 kap wom wota

2 1/4 ti spun drae is

2 ti spun waet vinika

3 kap flaoa

1 ti spun sol

1/4 kap vejetebol oel

Miksim wota, is, mo suka long wan bolglas. Wet blong 5 minit blong is i mekem ol smosmol balong.
Miksim flaoa, sol mo oel.
Presprestem flaoa ia blong 10 minit. Putum long wan pan we yu grisim long oel finis. Kavremap mo letem i solap blong wan aoa.
Prestem flaoa i go daon mo letem i solap blong 10 moa minit. Kukum long 350°F (175°C) blong 30–40 minit.