Veiyalayalati Vou

iTaviqaravi me Baleti Ira na Lalai e na Lako Mai mo Muri Au

Me baleta na Maciu 8; Marika 2–4; Luke 7

Na cava e so na ka e dau vakarerei ira na nomuni lalai? Veitalanoataka vakamalua e dua vei ira na rere oqori. Qai vukei ira me ra kaya, “Ni‘u rere, o Jisu e rawa ni vukei au me‘u vakila na vakacegu.”

Me baleta na Maciu 9–10; Marika 5; Luke 9

Sokumuna na iyaya ni imatai ni veivuke ka vakamacalataka na sala e ra vakayagataki kina me da vakabulai. Qai vakamacalataka ni kaukauwa nei Jisu Karisito me veivakabulai e uasivi cake sara. Vakamacalataka e dua vei ira na cakamana e na Maciu 9.

Me baleta na Maciu 11–12; Luke 11

Vola na vei siga ni macawa vei ira na nomuni lalai. Cavuta vakavica vata na yaca ni veisiga yadua, ia vakasolokakana ni o cavuta na “Sigatabu.” Vakamacalataka ni Sigatabu e siga me da vakasamataki Jisu Karisito kina vakatabakidua e na vakarokoroko.

Me baleta na Maciu 13; Luke 8; 13

Vakamacalataka ena gauna makawa sara, e ra a lako mai vei Jisu na tamata yalodina me ra mai rogoca na Nona italanoa (raica na Maciu 13). Kerei ira me ra droinitaka e dua na kedra iyaloyalo na tamata e ra vakarorogo tiko vei Jisu.

Me baleta na Maciu 14; Marika 6; Joni 5–6

Vakarautaka e dua na ivakalomavinaka bulabula me baleti ira na nomu lalai. Tukuna na cakamana ni ibuli madrai kei na ika (raica na Maciu 14:15–21). Vukei ira me ra kaya, “O Jisu e kila na veika au gadreva ka rawa ni vukei au.”