Mai Vei iRatou na Mataveiliutaki Taumada

Vakacegu mai vua na iVakabula

Mai vei Peresited Henry B. Eyring

E na Kuoramu ni Apositolo Le Tinikarua

Tauri mai na “Vakacegu e na Bula Oqo,” Liaona, Tise. 2016.

Droini mai vei Dilleen Marsh

E kaya na iVakabula, “Dou na kunea e vuravura na rarawa” (Joni 16:33). E kena ibalebale o ya ni da na sotava kece e so na veigauna dredre e vuravura. Ia e solia tale ga vei keda o Koya na yalayala oqo: “Au sa laiva vei kemudou na vakacegu, au sa solia vei kemudou na noqu vakacegu” (Joni 14:27). E na noda muria na iVakabula, e da na rawa ni vakila na vakacegu e na noda veigauna dredre.

Ni da vakayagataka na sakaramede, e da yalataka me da na daunanuma na iVakabula. E rawa ni o vakasamataki Koya e na sala e so e vukei iko kina mo vakila ni o voleka Vua. E na so na gauna au dau vakasamataki Koya ni tekiduru tiko e na Were o Kecisemani. E na so na gauna au raitayaloyalotaki Koya ni kacivi Lasarusa tiko me lako tani mai na ibulubulu. Ni‘u vakayacora vakakina, au vakila ni‘u voleka Vua. Au vakila na vakavinavinaka kei na vakacegu. E rawa talega vei iko.

Sa yalataka o Jisu ni gauna e da na maroroya kina na Nona ivakaro ka muri Koya, e na tiko vata kei keda na Yalo Tabu. E da na qai kunea na vakacegu, se cava ga e yaco e na noda bula.

iTalanoa kei Jisu

E kaya o Peresitedi Eyring ni vakila na vakavinavinaka kei na vakacegu ni vakasamataka na iVakabula e na Nona toka mai Kecisemani. Na italanoa cava kei Jisu e vukei iko mo vakila ni o voleka Vua?