“Noqu Siga ni Papitaiso,” iTokani, Maji 2023, 12–13.
Volai mai vei iKo
Noqu Siga ni Papitaiso
Bula! Na yacaqu o Megan, ka‘u vakaitikotiko e Mexico. Au via tukuna vei kemuni e dua na gauna talei e na noqu bula—na siga au a papitaiso kina.
Au a papitaiso e na i ka walu ni noqu siganisucu. Sa dua dina na siga bibi baleta ni‘u a marautaka na noqu siganisucu e na noqu papitaiso.
Na noqu papitaisotaki e a dua dina na ka totoka me‘u sotava. A cakava vei au o tinaqu e dua na ivolalailai ka tiko kina na itavi duidui e so me‘u na vakayacora. E a vukei au me‘u vulica na bibi ni papitaiso kei na veiyalayalati au na vakayacora kei na Tamada Vakalomalagi.
E vuqa sara na tamata e ra lomani au e ra a lako mai ki na noqu papitaiso. Au a marau vakalevu ni ra a lako mai. Au a dara e dua na vinivo vulavula, ka a katakata vakarauta tu na wai.
Ni papitaisotaki au oti o tamaqu, au a vakamamaca ka veisautaka na noqu isulu. Ka‘u a qai ciqoma na isolisoli ni Yalo Tabu. E a vakadeitaki me‘u dua na lewe ni Lotu i Jisu Karisito ni Yalododonu Edaidai mai vei ira na taura tu na matabete. Au a vakila vakalevu na vakacegu, loloma, kei na reki.
Au na daunanuma tu ga na siga o ya. E a vakasakiti sara baleta ni oya na siga a‘u a vakayacora kina na imatai ni noqu veiyalayalati kei na Kalou. Au a yalataka me‘u na muri Jisu ka talairawarawa ki na Nona ivakaro.
Kevaka o lomaleqa tiko se na vakacava na nomu siga ni papitaiso, kakua ni leqa. E na marautaka na Tamada Vakalomalagi na digidigi o cakava!
Droini mai vei Olga Lee