“iTaviqaravi Eso ni Lako Mai, Mo Muri Au,” iTokani, Mar. 2023, 6–7.
iTaviqaravi Eso ni Lako Mai, Mo Muri Au
Me baleta na lotu vakamatavuvale, vuli ivolanikalou, se ka ni lasa ga!
Na Cava
Droini mai vei Katy Dockrill
Me baleta na Maciu 8; Marika 2–4; Luke 7
iTalanoa: Wilika na italanoa kei Jisu Karisito ni vakamaravutaka na cava e na tabana e 46 se e na Marika 4:36–41. Veitalanoataka na sala e so e kauta mai kina vei iko o Jisu na vakacegu.
Sere: “Au Vakilai Koya” (iVolanisere ni Lalai, 42)
iTaviqaravi: Tucake e na dua na iwirini ka taura na yasa taucoko ni dua na itutuvi. Biuta e dua na polo e loma ni itutuvi ka viritaka wavoki vakamalua, me vaka e dua na waqa e veikauyaki e na ua. Veivukevuke e na kena tukuni ki na ilawalawa me ra vakatotolo, vakamalua, se “tu vakadua”
Qito ni Kilakila na Cakamana
Me baleta na Maciu 9–10; Marika 5; Luke 9
iTalanoa: A vakayacora o Jisu Karisito e vuqa na cakamana. A vakabula o Koya e dua na tamata ka sega tu ni lako rawa. A vakabula tale o Koya e dua na goneyalewa sa mate. A vakabulai ira na tamata mataboko. (Raica na Maciu 9.) Na cakamana cava tale e so e a vakayacora o Jisu?
Sere: “Tukuni Jisu Mai Vei Au” (iVolanisere ni Lalai, 36)
iTaviqaravi: Vola e so na cakamana i Jisu e na tiki ni pepa e so ka biuti ira e na dua na bilo. Digia e dua na pepa, wilika na cakamana ka volai toka kina, ka droinitaka e dua na kena iyaloyalo. Me ra qai vakilakila na kena vo se na kena cava o ya!
Cakacaka Vata
Me baleta na Maciu 11–12; Luke 11
iTalanoa: A kaya o Jisu Karisito, “Sa rawarawa na noqu ivua, ka mamada na noqu icolacola” (Maciu 11:30). Na ivua e vukea e rua na manumanu me rau dreta vata e dua na ka. Ni da digitaka me da muri Jisu, e rawa ni vukei keda o Koya e na noda vakatovolei.
Sere: “If the Savior Stood Beside Me” (ChurchofJesusChrist.org)
iTaviqaravi: Kerea e dua me tosoya e dua na iyaya bibi e na loma ni rumu. Me ra qai tosoya na iyaya oya e na nona veivuke e dua. Veitalanoataka na sala e mamada kina na noda icolacola ni da gole vua na iVakabula me veivuke.
Vola Na Nomu Vosa Vatautauvata Vakai Iko!
Me baleta na Maciu 13; Luke 8; 13
iTalanoa: E vakavuvulitaka o Jisu na kosipeli e na nona vakayagataka na italanoa e vakatokai na “vosa vakatautauvata.” E dua na italanoa a talanoataka o Koya e baleta na kena rawa ni tubu e dua na sore ni musita lailai me dua na vunikau levu (raica na Maciu 13:31–32). Na cava a vakavulica tiko o Koya? Na vosa vakatautauvata cava tale a vakatavulica o Jisu?
Sere: “If I Listen with My Heart” (ChurchofJesusChrist.org)
iTaviqaravi: Na vosa vakatautauvata e rawa ni vukei keda me da kila vinaka cake na kosipeli. Cega ki na tabana e 8 mo vola kina na nomu vosa vakatautauvata. Wasea na nomu vosa vakatautauvata vei ira na lewe ni matavuvale se itokani.
Veirauti Ka Sivia Tale
Me baleta na Maciu 14; Marika 6; Joni 5–6
iTalanoa: E na dua na gauna a vakavulici ira tiko kina na tamata o Jisu Karisito me dua na siga taucoko . E ra a viakana na tamata kecega. Ia a tiko ga vei iratou e lima na ibuli madrai ka rua na ika. A vakalougatataka na madrai kei na ika ko Jisu, ka ratou vota na tisaipeli vei ira na tamata. E a veirauti na kakana vei ira e sivia na 5,000 na tamata! (Raica na Maciu 14:15–21).
Sere: “Meu Na Muri Jisu Tu,” (iVolanisere ni Gonelalai, 40)
iTaviqaravi: Cakava na nomu icakacaka ni madrai taleitaki, se tovolea e dua ka tiko e na tabana e 8. Vakasamataka na kena rawa ni vakalevutaka e dua na ibuli madrai taucoko mai na dua na ka lailai me vaka na isi. Sa cakava vakacava o Jisu na nomu sasaga lalai me levu?