iTalanoa kei Jisu

O Jisu Karisito e a Papitaisotaki

Kauta tani mai na draunipepa oqo ka lobika veimama. Qai taura cake na iyaloyalo ni o talanoataka tiko na italanoa.

Droini mai vei Greg Olsen

O Joni na Dauveipapitaisotaki e a dua na parofita. A vakavulici ira na tamata me baleti Jisu Karisito. E na dua na siga e a papitaisotaki ira tiko kina na tamata o Joni e na Uciwai na Joritani. Sa qai lako mai ko Jisu. A kerei Joni me papitaisotaki Koya.

A kaya o Jisu ni a vakarota na Tamada Vakalomalagi me ra papitaiso na tamata kecega. A vinakata o Koya me talairawarawa vei Tamada Vakalomalagi. A vinakata o Koya me vakaraitaka vei keda e dua na ivakarau.

A papitaisotaki Jisu o Joni e na Uciwai na Joritani. Ni sa cabe mai wai ko Jisu, e ra a rogoca na tamata na domo ni Tamada Vakalomalagi. A kaya o Koya, “O koya oqo na noqu Gone ni toko, au sa dau vinakata vakalevu.”

E da rawa ni muri Jisu e na noda papitaisotaki. E marau na Tamada Vakalomalagi ni da muria na Luvena.

O rawa ni wilika na italanoa oqo e na Maciu 3.