Dali, Sunod Kanako nga mga Kalihokan

Alang sa home evening, pagtuon sa kasulatan, o kalingawan lamang!

Siya Nabanhaw!

Mga paghulagway pinaagi ni Katy Dockrill

Alang sa Pasko sa Pagkabanhaw

Istorya: Si Jesukristo mao ang atong Manluluwas. Tungod kay Siya nabanhaw, kitang matag usa mabanhaw usab (tan-awa sa 1 Pedro 1:3–4).

Awit: “Si Jesus Nabanhaw” (Songbook sa mga Bata, 44)

Kalihokan: Buhata ang craft sa Pasko sa Pagkabanhaw sa pahina 14. Mahimo usab ninyong sugdan ang kalihokan sa pag-ihap diha sa pahina 8.

Mga Binhi sa Hugot nga Pagtuo

Alang sa Mateo 15–17; Marcos 7–9

Istorya: Si Jesus nagtudlo nga ang hugot nga pagtuo sama ka gamay sa usa ka gamayng liso sa mustasa nga makahimo og imposible (tan-awa sa Mateo 17:20).

Awit: “Hugot nga Pagtuo” (Songbook sa mga Bata, 50)

Kalihokan: Pangita og daghang liso sa gawas kutob sa imong mahimo. O pangita og mga hulagway diha sa Internet. Hunahunaa kon unsa nga mga matang sa tanom inig kadako niini. Unsaon ninyo sa pagpalambo ang inyong hugot nga pagtuo diha ni Jesukristo?

Higugmaa ang Inyong Kasilinganan

Alang sa Mateo 18; Lucas 10

Istorya: Si Jesus nagsulti kanato sa pag-amuma sa atong mga silingan (tan-awa sa Lucas 10:25–37). Matag tawo nga naa sa atong palibot mao ang atong silingan, bisan kon sila lahi nga tan-awon o lahi og linihokan kay sa atong gibuhat.

Awit: “Mouban Ko Nimo” (Songbook sa mga Bata, 70)

Kalihokan: Pagdrowing og hulagway sa inyong kasilinganan. Mahimo ninyong iapil ang inyong pamilya, mga higala, ug mga silingan. Matag adlaw niining semanaha, pagpili og usa ka tawo gikan sa inyong gidrowing ug pagbuhat og butang nga mabination alang kanila.

Ang Maayong Magbalantay

Alang sa Juan 7–10

Istorya: Ang mga magbalantay moamuma sa ilang mga karnero ug ampingan sila nga luwas. Si Jesukristo mao ang atong Magbalantay. Siya miingon, “Ako ang maayong magbalantay sa mga karnero, ug nakaila Ako sa Akong mga karnero” (Juan 10:14).

Awit: “Gibati Ko ang Gugma sa Akong Manluluwas,” (Songbook sa mga Bata, 42–43)

Kalihokan: Pagdula og dula sa pagtag-an sa karnero! Pagpili og usa ka tawo nga mahimong magbalantay. Ang tanan mahimong karnero. Ang magbalantay mopiyong sa ilang mga mata samtang ang usa ka karnero mohimo og baa nga tingog. Ipatag-an sa magbalantay kon hain nga “karnero” ang mihimo og saba. Paghisgot kon sa unsang paagi si Jesus nakaila sa matag usa kanato pinaagi sa ngalan.

Adto sa pahina 49 alang sa Dali, Sunod Kanako nga mga kalihokan alang sa mas gagmay nga mga bata.