“Ang Leksiyon bahin sa Allergy,” Higala, Abr. 2023, 32.
Ang Leksiyon bahin sa Allergy
Gikan sa usa ka interbiyo uban ni Sydney Squires.
Sa dihang 10 anyos pa ko, ako adunay grabing mga allergy. Naandan na nako nga magdula sa gawas sa ting-init. Dili nianang tuiga! Ang akong mga allergy makapalisod niini ang pagginhawa. Sa kasagaran magpuyo ra ko sa sulod. Ang tanan nga gusto nakong buhaton, sama sa pagdula og soccer, nagkinahanglan og sobra nga kusog.
Human nianang, tuiga, ang akong mga allergy mobalik sa matag ting-init. Kami wala makakita og tambal nga makatabang. Apan among nasuta nga makaginhawa ko og mas maayo diha sa banyo kay sa bisan asang dapit sa balay. Mao nga gikan sa Mayo hangtod sa Agosto natulog ko sa banyo. Ang akong pamilya wala magreklamo. Sila mitugot nako nga matulog didto sa matag ting-init sulod sa lima ka tuig.
Paghulagway pinaagi ni Mark Robison
Sa pagsugod sa matag ting-init, gihatagan ko sa akong papa og usa ka panalangin sa pagkapari. Kada tuig, siya mipanalangin kanako nga ang akong mga allergy mawala. Ang akong mama, mga igsoong babaye, ug igsoong lalaki nag-ampo ang tanan alang kanako. Apan ang mga panalangin ug mga pag-ampo wala naka-ayo sa mga allergy diha diha dayon.
Apan ang mga allergy nagtudlo kanako og daghang importanteng mga leksiyon niadtong lima ka ting-init. Ako nakakat-on sa pagbuhat og lisod nga mga butang. Ako nakakat-on sa pagpahulay aron magamit nako ang akong kusog sa maalamong paagi. Ako nakakat-on nga dili mahadlok. Sa kataposan, sa dihang nagkahingkod nako, ang akong mga allergy nag-anam og arang-arang.
Karon mahimo na ko nga motrabaho og dugay, bisan ang ubang mga tawo kapuyon na. Mopahulay gihapon ko aron akong magamit ang akong kusog sa maalamon nga paagi. Ug ako dili mahadlok, tungod kay ako adunay hugot nga pagtuo diha ni Jesukristo.
Tingali kataw-anan paminawon, apan karon mapasalamaton ko nga ako adunay ngil-ad nga mga allergy! Kini mga panalangin tungod sa mga leksiyon nga gitudlo niini.