“Pagsunod ni Jesus diha sa Nigeria,” Higala, Abr. 2023, 16–17.

Pagsunod ni Jesus diha sa Nigeria

Himamata si Unwana!

Batang lalaki nagsul-ob og polo ug kurbata

Kabahin ni Unwana

Edad: 7

Gikan sa: Akwa Ibom, Nigeria

Pinulongan: Iningles

Mga tumong ug mga pangandoy: Mahimong usa ka doktor

Pamilya: Unwana, Mama, Papa, Lolo, manghod nga babaye, ug manghod nga lalaki

Giunsa ni Unwana sa pagsunod si Jesus

Batang lalaki nanghugas og mga plato gamit ang tubig sa mga balde

Si Jesus kanunayng mitahod sa Iyang inahan. Si Unwana nagtahod usab sa iyang inahan. “Ako motabang sa akong mama pinaagi sa pagpanghugas sa mga plato. Ako manilhig ug mag-mop sa salog sa kada buntag,” miingon siya. “Malipay ko kanunay kon akong mahuman ang akong buhat. Ako nasayod nga si Jesukristo malipay tungod kay ako naningkamot nga mamahimong sama Kaniya.”

Si Jesus nagsugo kanato sa pagkat-on diha Kaniya (tan-awa sa Mateo 11:29). Si Unwana nakakat-on kabahin ni Jesus pinaagi sa mga kanta ug kasulatan. “Ako naghimo og mga tumong sa pagkanta og usa ka kanta sa Primary ug pagkat-on gikan sa kasulatan sa matag adlaw,” miingon siya. Nagkat-on usab siya sa pagtugtog sa organ. Magkinahanglan kini og daghang praktis, apan maayo ra kini!

Mga Paborito ni Unwana

Abli nga libro, mga gabi, pipe organ, pula nga backpack, ug nagtumpi nga mga libro

Dapit: Sa lawak klasehanan diin siya magpraktis sa organ

Istorya sa kasulatan: Sa dihang si Jesus gibunyagan

Utanon: Mga gabi

Kolor: Pula

Subject sa Eskwelahan: English