Bag-ong Tugon

Dali, Sunod Kanako Mga Kalihokan alang sa Gagmay nga mga Bata

Bata naggunit og usa ka playdough nga giporma og usa ka kasingkasing

Alang sa Pasko sa Pagkabanhaw

Sultihi ang inyong gagmayng bata sa istorya bahin sa unang Pasko sa Pagkabanhaw. Mahimo ninyong gamiton ang hulagway diha sa mga pahina 24–25. Hangyoa ang mga bata nga tudloon ang Manluluwas. Tabangi sila nga moingon og, “Ang Pasko sa pagkabanhaw mao ang mahitungod ni Jesukristo!”

Alang sa Mateo 15–17; Marcos 7–9

Tabangi ang inyong gagmayng bata sa paghimo og usa ka kasingkasing nga gama sa playdough o clay. Sultihi sila nga kon kita mosunod ni Jesus, ang atong mga kasingkasing mobati og kasuod ngadto Kaniya.

Alang sa Mateo 18; Lucas 10

Sultihi ang inyong gagmayng bata kon unsa ka pinangga ni Jesukristo ang mga bata ug kanunay silang gipundok libot Kaniya (tan-awa sa Mateo 18:1–5). Guniti ang inyong gagmayng bata nga magdug-ol ug manganta og “Gibati ko ang Gugma sa Akong Manluluwas” (Songbook sa mga Bata, 42).

Alang sa Juan 7–10

Patan-awa ang inyong gagmayng bata sa usa ka samin. Sultihi sila nga si Jesus nakaila sa ilang mga ngalan, unsa ang ilang hitsura, unsa ang makalipay nila, ug unsa ang makapaguol kanila. Tabangi ang inyong gagmay nga mga bata nga moingon, “Si Jesukristo nakaila ug nahigugma kanako.”