Pag-ihap paingon sa Pasko sa Pagkabanhaw

PDF nga dunay mga marka sa tunob nga kalihokan

Sa semana sa dili pa moabot ang Pasko sa Pagkabanhaw, paghimo og kalihokan matag adlaw sa pagsunod kang Jesus. Dayon kolori ang mga marka sa tunob. Magsugod sa dunay marka nga tunob 7.

7: Ang mga tawo misaulog ug mitahod ni Jesus didto sa Jerusalem (tan-awa sa Mateo 21:6–11). Pagkanta og usa ka awit nga imong ganahan mahitungod ni Jesus.

6: Si Jesus mibisita sa templo (tan-awa sa Mateo 21:12–16). Pagdrowing og litrato sa templo.

5: Si Jesus mitudlo kanato sa paghigugma sa uban (tan-awa sa Mateo 22:36–40). Paghimo og kard alang sa tawo nga imong gihigugma.

4: Si Jesus mitudlo sa ebanghelyo gamit ang mga istorya nga gitawag og mga sambingay (tan-awa sa Mateo 25). Pagpaambit sa inyong paborito nga sugilanon sa kasulatan ngadto sa usa ka tawo.

3: Si Jesus mipanalangin sa sakramento (tan-awa sa Mateo 26:26–28). Basaha ang mga pag-ampo sa sakramento diha sa Doktrina ug mga Pakigsaad 20:77, 79.

2: Si Jesus miayo sa masakiton (tan-awa sa Mateo 14:14, Lucas 4:40). Tawagi o bisitaha ang usa ka tawo nga nasakit o nagkinahanglan og usa ka higala.

1: Si Jesus nag-ampo ngadto sa Langitnong Amahan (tan-awa sa Mateo 26:39). Mag-ampo aron mapasalamatan ang Langitnong Amahan sa inyong mga panalangin.

Dominggo sa Pasko sa Pagkabanhaw: Basaha ang 1 Pedro 1:3. Hinumdomi ang Manluluwas samtang kamo magsaulog karon!