Imong Sinulat

Pagpangulo Sama ni Jesus

Ni Julia B., edad 10, São Paulo, Brazil

Julia B.

Teksto ra tanan

Paghulagway pinaagi ni Toby Newsome

Gihangyo ko nga mo-conduct sa mga himno diha sa miting sa sakramento, ug nahingawa kaayo ko. Wala pa ko sukad maka-conduct og mga himno. Nagpraktis ko og maayo sulod sa semana.

Nakigsulti ko sa akong amahan mahitungod sa akong mga kabalaka. Iya kong gipangutana kon nasayod ba ko unsay katuyoan sa pag-conduct. Miingon ko nga aron makahimo sa tayming ug ang pagkadungan. Ang pag-conduct sama ra sa pagsunod sa lider.

Human niini nga panag-istorya, naghunahuna ko kon sa unsang paagi ang tig-conduct susama sa ehemplo ni Jesukristo. Siya ang atong lider ug naggiya kanato diha sa eksaktong dalan ug sa eksaktong panahon. Naggiya siya nato diha sa kangitngit ug mao ang atong Tigbalantay.

Militok ko og usa ka pag-ampo ug mibati nga ang tig-conduct tinuod nga usa ka ehemplo ni Jesukristo. Karon mas mahinamon na ko nga mo-conduct tungod kay magrepresentar ako ni Kristo.