Hello mula sa Nigeria!

Alamin ang tungkol sa mga anak ng Ama sa Langit sa buong mundo.

Ang Nigeria ay isang bansa sa West Africa. Mga 216 milyong tao ang naninirahan doon.

Maraming Kultura

Mga paglalarawan ni Valeria Cis

Ang Nigeria ay mas maraming tao kaysa sa iba pang bansa sa Africa. Marami itong iba’t ibang grupo ng mga tao, na may mahigit 500 mga wika!

Napakagandang Wildlife

Ang Nigeria ay may mga disyerto, kapatagan, latian, bundok, at gubat. Bawat lugar ay tahanan ng lahat ng uri ng mga halaman at hayop.

Ang Simbahan sa Nigeria

Noong 1960s, walang mga missionary sa Nigeria. Pero maraming taong gustong magpabinyag. Sama-sama silang sumamba at sumulat sa mga pinuno ng Simbahan. Matiyaga silang naghintay. Sa huli, noong 1978, nabinyagan sila! Ngayon, ang Nigeria ay may mahigit 200,000 miyembro ng Simbahan.

Kanin sa Araw ng Linggo

Maraming pamilyang Nigerian ang kumakain ng jollof rice o puting kanin na may sabaw pagkatapos magsimba. Ito ay isang tradisyon sa araw ng Linggo!

3 Templo

Ang Aba Nigeria Temple ay inilaan noong 2005, at dalawang templo pa ang kasalukuyang itinatayo!

Aktibidad

Gumagalaw ang Bato

Para malaro ito, patayuin sa bilog ang isang grupo ng mga tao. Magpasa ng isang bato sa paligid ng bilog habang kumakanta kayong lahat. Kapag natapos na ang kanta, ipuwera na sa laro ang taong may hawak sa bato! Magpatuloy hanggang sa isang tao na lang ang maiwan.

Resipe

Mga Nigerian Pancake

1. Sa isang mangkok, paghaluin ang 1 tasang harina, 1 kutsarang asukal, isang kurot ng asin, at isang budbod ng nutmeg.

2. Magbati ng 2 itlog at 1 tasang gatas.

3. Haluan ng 1/2 tasang hiniwa-hiwang sibuyas. Kung gusto mo, maaari ka ring magdagdag ng kaunting hiniwang sariwang sili.

4. Painitin ang isang kawaling may kaunting mantika. Para sa bawat pancake, maglagay ng isang kutsara ng mixture sa kawali at luuin sa magkabilang panig.

Salamat kay Unwana sa pagbabahagi ng laro at resipe!

Tip para sa Kalusugan

Pagsasaya Kasama ang mga Kaibigan

Ang pagsasaya kasama ang iba ay mahalagang bahagi ng malusog na pamumuhay! Kailangan nating lahat ng oras para maglaro at magpahinga. At kailangan natin ng mabubuting tao sa ating paligid para magpasaya sa atin at magpadama na tayo ay ligtas. Hilingin sa isang tao na makipaglaro sa iyo at subukang pangitiin siya!