Vakabula mai Cape Verde!

Vulica na veika me baleti ira na luvena na Tamada Vakalomalagi e vuravura taucoko.

Droini mai vei Carolina Farías

O Cape Verde e dua na matanitu yanuyanu volekata na baravi ni Ra kei Aferika. E rauta ni 480 na udolu na tamata era tiko kina.

Vosa

E kena vosa vakamatanitu na vosa vaka-Potukali. Era vosa talega na tamata vaka Cape Verdean Creole, se Kriolu, ka yavutaki ena vosa vaka-Potukali.

Volokeno

O Cape Verde e tiko kina e 10 na yanuyanu, ka a buli mai na volokeno. Na volokeno bula levu duadua e vakatokai o Pico do Fogo. E 9,281 na fiti (2,829 na m) na kena cece.

Lotu

E rauta ni 80 na pasede ni tamata era Katolika. E rauta talega ni 16 na udolu na lewe ni noda Lotu.

Sereivakatagi

Era taleitaka na sereivakatagi na kai Cape Verde! Era dau lagasere ena vosa vaka-Creole, kei na nodra sereivakatagi e wakia vata na kena veimataqali mai Potukali, Brazil, kei na Ra kei Aferika.

Valetabu e Praia

Na imatai ni valetabu e Cape Verde a vakatabui ena yabaki sa oti!

iTaviqaravi

iTalanoa vaka Qito

Oqo e dua na qito o rawa ni cakava! E dua na tamata me biuta na rumu. Era talanoataka na kena vo baleta e dua na tagane ka laki siwa e wasawasa. Ni ra veivosaki tiko, era veisoliyaka tiko vakai ira e dua na iyaya. Na italanoa e dau tini tikoga ena vosa, “a sa mate na ika lailai.” O cei ga e taura tu na iyaya ni sa tini na italanoa ena vunitaka sara e dakuna. O koya a lako i tuba ena lesu mai ka vakilakila se o cei e tiko vua na iyaya. Kevaka e donu nona digidigi, ena biuta na rumu o koya a tiko vua. Kevaka e cala, ena biuta tale o koya na rumu ka tekivu tale na italanoa.

iCakacaka ni kakana

Cachupa (Sitiu vaka Cape Verde)

1. Seleseleta e 1 na varasa kei na 6 na qaliki. Qai vakasaqara ena dua na kuro lailai ka vakalailai na waiwai.

2. Tokia na varasa kei na qaliki ki na dua na kuro levu. Vakuria kina e 1 na tini tomata, 1 na tini hominy se sila, kei na 2 na tini kidney beans damudamu.

3. Vakuria kina e 2 na paodi (1 kg) na lewe ni manumanu, me vaka na vuaka, soseji, bulumakau, se ika.

4. Sova yani na wai e veirauti me ubia na veika kece ena kuro. Vakasaqara ena katakata lailai me rua na auwa.

Me kilai: E vuqa tu na sala me caka kina na cachupa. E rawa ni o vakuria kina eso tale na mataqali lewe ni manumanu, bini, kei na kakana draudrau kevaka o vinakata!

iVakasala Bulabula

Kakana Vakasakiti

Na bini e levu na kena wa, ka dau savata laivi na manumanu ca mai lomamu ka vukea me toso vakarawarawa cake e yagomu na kakana. E rawa talega ni o rawata mai na veimataqali sila taucoko, vuadra, kei na niu.