E Dua na iTukutuku ni Koniferedi mai vua na Parofita
Mo Dua na Dautataro
Tauri mai na “Gadrevi na Dautataro,” Liaona, Me 2023.
Ni da sa tisaipeli i Jisu Karisito, me da sa ivakaraitaki ni sala ni veimaliwai kina kei ira na tani. E dua na sala rawarawa duadua me kilai kina e dua ka daumuri Jisu Karisito dina sa ikoya na nona ivakarau ni veiqaravi ena yalololoma vei ira na tamata eso.
E vakamatatataka na ka oqo na iVakabula. “Sa kalougata ko ira sa dautataro,” a kaya o Koya (Maciu 5:9; raica talega na 3 Nifai 12:9). O ira na nona tisaipeli dina era tara cake, veilaveti, veivakayaloqaqataki, ka veivakauqeti—veitalia na dredre ni ituvaki. O ira na tisaipeli dina i Jisu Karisito era dautataro.
Na sala eda veimaliwai kaya esa ka bibi dina! Na ivakarau ni noda vosa ki vei ira ka baleti ira na tani mai vale, e valenilotu, kei na initaneti esa ka bibi sara. E rawa ni da veisautaka na vuravura—dua na tamata ka dua na veimaliwai ena dua na gauna.
Na duidui e tiki ni bula. Me da vakaraitaka ni tiko e dua na sala ni veidokai me da cakacakataka kina na duidui eso. Masulaka mo rawata na yaloqaqa kei na yalomatua mo kaya ka vakayacora na ka e vinakata na iVakabula.
Au vakauqeti kemuni mo ni digitaka mo ni dautataro, nikua kei na veigauna kecega.
“A sa Vosa ko Koya ka Vakavulici Ira” mai vei Michael Malm
E Rawa ni da Veisautaka na Vuravura
E kaya o Peresitedi Nelson ni veika eda cakava ka cavuta esa bibi sara! Ena veivanua ka galala tiko e ra, vola na veika o rawa ni tukuna me vukea na kena yaco mai na vakacegu.
Na cava o rawa ni tukuna vua e dua e rarawa?
Na cava o rawa ni kaya vua e dua e taura na nomu iyaya?
Na cava o rawa ni kaya ni dua e sega ni vinaka vei iko?