iTukutuku ni Koniferedi

Vosacavuti mai na Koniferedi

“Sa noqu masu ni ko na kunea na vakacegu, vukei ira e vuqa tale me ra kunea, ka veisoliyaka yani.”

Peresitedi Henry B. Eyring, iKarua ni Daunivakasala ena Mataveiliutaki Taumada.

“Au sureti kemuni mo ni wasea wasoma na nomuni ivakadinadina me baleti Jisu Karisito.”

O Peresitedi M. Russell Ballard na Peresitedi Vakatawa ena Kuoramu ni iApositolo Le Tinikarua

“Vakasaqarai Karisito ena veivanua kecega. Au yalataka ni tiko o Koya e kea.”

Sisita Bonnie H. Cordon, Peresitedi Raraba ni Goneyalewa

Na vei Valetabu Vou

E vica na valetabu esa kacivaka oti o Peresitedi Nelson mai na gauna a yaco kina me parofita ena 2018?

• 19 ena 2018+

• +16 ena 2019

• +14 ena 2020

• +34 ena 2021

• +35 ena 2022

• +15 ena koniferedi oqo

• =________ na levu taucoko ni valetabu

Mataveiliutaki ni Goneyalewa

Ena 1 ni Okosita, 2023, e sa na Peresitedi Raraba vou kina ni Goneyalewa o Sisiter Freeman. E rau na nona daunivakasala o Sisita Runia kei Sisita Spannaus.

Koniferedi ni Sigatabu ni Curuvakatui

A vakayacori na koniferedi oqo ena Sigatabu ni Curuvakatui, na siga eda marautaka kina na curu nei Jisu ki Jerusalemi. E vuqa vei ira era vosa era kerei keda me da vakanamata vakalevu cake vua na iVakabula ena Siganimate.

Lagasere Vata

E tini na tamata mai na veiyasai vuravura era a lagasere vata kei na Matasere na Tabernacle ena koniferedi oqo! Veisotaritaka na yaca ni veimatanitu era cavutu mai kina o ira na lagasere ena mape.

Mexico

Brazil

Ghana

Malaysia

Filipaini

Taiwan

Sau ni taro: 133