iTaviqaravi Eso ni Lako Mai, Mo Muri Au

Me baleta na lotu vakamatavuvale, vuli ivolanikalou se ka ni lasa ga!

Vakaraitaki ni Vakavinavinaka

Droini mai vei Katy Dockrill

Me baleta na Luke 12–17; Joni 11

iTalanoa: Wilika na italanoa “Dua na tagane Dauvakavinavinaka” ena tabana e 46. O na rawa ni vakaraitaka vakacava na vakavinavinaka?

Sere: “Thanks to Our Father” (Children’s Songbook, 20)

iTaviqaravi: Kotiva e 10 na tikitiki ni pepa. Ena veitikina yadua, vola e dua na ka o vakavinavinakataka. Lobika na veitikina mera veidaramaki ka vakabira vata na muana me cakava e dua na sinucodo. Vakaliliga na nomu sinucodo ni vakavinavinaka ena dua na vanua laurai levu.

Tamata Qaqa ni Veiqaravi

Me baleta na Maciu 19–20; Marika 10; Luke 18

iTalanoa: E vakatavulica o Jisu Karisito ni dodonu me da vukei ira na tamata era vakaleqai tu (raica na Marika 10:17–22). Wilika na “Na Lulu kei na Tavuto” ena tabana e 8 mo vulica kina na sala a muri Jisu kina e dua na gonetagane na yacana o Dieter.

Sere: “Talairawarawa ki na iVunau” (iVolanisere ni Gonelalai, 68–69)

iTaviqaravi: Gole ki na tabana e 12 ka yaco mo tamata qaqa ni veiqaravi!

Na Vunikau ni Vakarorogo

Me baleta na Maciu 21–23; Marika 11; Luke 19–20; Joni 12

iTalanoa: A vinakata o Sakiusa me raici Jisu, ia e dua na ilala levu a latia nona rai. A kabata o Sakiusa e dua na vunikau me rawa ni raici ka rogoci Jisu vakavinaka cake kina. (Raica na Luke 19:2–8.)

Sere: “If I Listen with My Heart” (Music for Children, ChurchofJesusChrist.org)

iTaviqaravi: Cakava e dua na vunikau ni liga! Ena dua na tiki ni pepa, vakatotomuria na ligamu ki na iduruduru ni ligamu. Na ligamu ena tolo ni vunikau kei na nomu iqaqalo era na tabanikau. Ena veitabana yadua, vola se droinitaka na sala eso o rawa ni vakarorogo kina vei Jisu.

E Dua na Daukaulotu Ena Gauna Oqo

Me baleta na Josefa Simici—Maciu 1; Maciu 24–25; Marika 12–13; Luke 21

iTalanoa: A kaya o Jisu Karisito ni bera ni lesu tale mai, ena vunautaki yani na kosipeli ki vuravura taucoko (raica na Josefa Simici—Maciu 1:31). E rawa ni da veivuke ena noda vakavakarau ki na iKarua ni Lako Mai ena wasei ni kosipeli vei ira na tani.

Sere: “Au Nuitaka Meu Sa Lako Tu” (iVolanisere ni Gonelalai, 91)

iTaviqaravi: Cakava na nomu itoka ni yaca ni daukaulotu! Vola na yacamu ena dua na tiki ni pepa ka kotivi tani mai. Ena dakuna, vola e dua na ka o rawa ni cakava mo wasea kina na kosipeli ena gauna oqo. Pinitaka se vakabira na nomu itoka ni yaca ki na nomu sote.

Yava ni Veiqaravi

Me baleta na Maciu 26; Marika 14; Joni 13

iTalanoa: A vuya o Jisu Karisito na yavadratou na Nona iapositolo (raica na Joni 13:4–16). A lomani ira o Koya ka vinakata me qaravi ira. A tukuna vei ira o Jisu me ra muria na Nona ivakaraitaki ka veiqaravi vakai ira.

Sere: “‘Drodro,’ na Uciwai” (iVolanisere ni Gonelalai, 116)

iTaviqaravi: Qitotaka na qito ni veiqaravi oqo. Dabe kece vata kei na yavadra ena dua na iwirini. E dua me digia e dua na naba. Tekivu mai na yavana, o koya me dusia na yava yadua ena iwirini ka wilika sobu mai na naba oya me yacova ni sa yacova na “dua.” Na yava e nabataki ena “dua” e sa lusi. Oti qai digia o koya e dua na naba ka wilika sobu yani. Na iotioti ni tamata e tiko na yavana ena iwirini me digitaka e dua na itaviqaravi ni veiqaravi me ra cakava na ilawalawa.

Gole ki na tabana e 49 me baleta na itaviqaravi ni Lako Mai, Mo Muri Au me baleti ira na gone sobu.