iVakamacala ni Koniferedi

Droini mai vei Josh Talbot

Eda vakabauti Karisito.

O Peresitedi Oaks e a kaya ni da vakabauti Jisu Karisito. E a wilika o koya e vuqa na ivolanikalou me baleta na veika a kaya o Jisu ena Nona gauna ni bula kei na Nona sikovi ira na Nifaiti. E dodonu me da vulica na vosa i Jisu me dusimaki keda ki ena noda bula.

Oqo na ka e vakavulici au:

Tiko Tale kei Jisu

O Elder Stevenson e a vakaraitaka me baleta e rua na goneyalewa ka a mate o nodrau nei. Na wati Elder Stevenson, o Lesa, a tarogi rau se rau sa vakacava tiko. E rau a rarawa voli, ia e rau a wasea vua na nodrau ivakadinadina. E rau kila ni sa marau o nodrau nei ka sa na rawa ni tiko kei Jisu. Na vakabauti Jisu Karisito kei na bula tawamudu ena vakacegui keda.

Oqo na ka e vakavulici au:

iVakadinadina ena Basi

O Elder Corbitt e a talanoataka me baleta e dua na marama a vosa ki vua o koya ena dua na nona vodo basi. A taroga na marama oya se cava na vuna e vakabauti Jisu Karisito kina. E a sega ni kila na ka me tukuna. Oti sa qai nanuma me vakanamata ki na veika e bibi duadua. E a tukuna o koya vua na marama oya ni da gadrevi Jisu me vukei keda me da lesu tale ki vua na Tamada Vakalomalagi. E rawa ni da wasea talega na noda ivakadinadina.

Oqo na ka e vakavulici au:

Colati ni Vatu

O Sisita Johnson e a wasea na dredre ni bula oqo esa vaka na kena tawa tu na katodreketi ena vatu. Eda colata na vatu ena vuku ni noda ivalavala ca, na nodra yaloca na tani, kei na bolebole ni bula. E veivuke o Jisu Karisito ena kena tasereki na noda kato dreketi kevaka eda gole Vua. E rawa talega ni da veivuke ena kena vakamamadataki na nodra kato dreketi na tani ena noda kauwaitaki ira me vaka e vinakata o Jisu.

Oqo na ka vakavulici au: