“iSaunitaro me baleta na Valetabu,” iTokani, Me 2023, 38–39.

iSaunitaro me baleta na Valetabu

E vakacava tu beka na loma ni valetabu?

Na valetabu e vale ni Turaga E savasava ka totoka e loma. Tamata kece era daramaka na isulu vulavula ka tovolea me ra dau vakarokoroko. Sa vanua veivakacegui ni qaravi Kalou, vulica, ka vakila kina na loloma ni iVakabula mai vua na Yalo Tabu.

Na cava era dau cakava na tamata ena valetabu?

Na itaba ni dua na goneyalewa kei na gonetagane toka tikiva e dua na itaba ni tubudrau

Ena valetabu, eda vulica kina na ituvatuva ni Kalou ka caka veiyalayalati vata kei Koya. Eda cakava oqo ena noda vakaitavi ena vei cakacaka vakalotu eso me vaka na papitaiso, veivakadeitaki, kei na vauci ki na noda matavuvale.

Meu vakaisulu vakacava beka niu lako ki na valetabu?

E dua na gonetagane ena sutu ka vakai neketai toka tikiva e dua na gonetagane ena ovarola vulavula

E dodonu mo dara na nomu isulu vinaka duadua ki na valetabu. Ni ko sa curu yani, o sa na veisau ki na isulu digitaki mo cakava kina na cakacaka vakalotu. Me baleta na papitaiso, era na solia vei iko na liganicakacaka ena valetabu e dua na isulu vulavula mo daramaka.

Na cava na ivolatara ni valetabu?

Gonetagane matadredredre e kauta tiko e dua na kadi

Na ivolatara ni valetabu e dua na tiki ni pepa lailai ka vakatarai iko mo curuma na valetabu. E rawa ni o taura mai e dua mai vua e dua na lewe ni nomu matabisopi se mataveiliutaki ni tabana. Ena tarogi iko o koya kevaka o talairawarawa tiko ki na ivunau ka tiko na nomu ivakadinadina. Kevaka o sa kilikili kaya ka vakarau tu mo curuma na valetabu, ena solia vei iko o koya e dua na ivolatara ni valetabu.

Na cava na kena ibalebale me vakayacori na papitaiso ena vukudra na mate?

Goneyalewa e papitaisotaki tiko ena tobu ni papitaiso ena valetabu

Ena valetabu e rawa ni o papitaiso kina ena vukudra na tamata era sa mate ia era a sega tu ni papitaiso. O na dara na isulu vulavula ka tabadromuci (dromu vakadua i ra) e loma ni wai.