ជម្រាបសួរពី កាប់ វែរ !

សូមរៀនអំពីបុត្រាបុត្រីទាំងអស់របស់ព្រះវរបិតាសួគ៌នៅទូទាំងពិភពលោក ។

កាប់ វែរ គឺជាប្រទេសកោះមួយនៅជិត ឆ្នេរនៃអាហ្វ្រិកខាងលិច ។ មានប្រជាជនប្រមាណជា ៤៨០ ពាន់នាក់រស់នៅទីនោះ ។

ភាសា

ព័រទុយហ្កាល់ជាភាសាផ្លូវការ ។ ប្រជាជនក៏និយាយ ភាសាកាប់វែរ វើដេន ក្រេអូល ឬ គ្រីអូលូ ដែលមានមូលដ្ឋាននៅព័រទុយហ្គាល់ដែរ ។

ភ្នំភ្លើង

កាប់វែរ មានកោះចំនួន ១០ ដែលកើតឡើងដោយភ្នំភ្លើង ។ ភ្នំភ្លើងដ៏សកម្មធំជាងគេគឺត្រូវបានហៅថា ភីកូ ដូ ហ្វូហ្គូ ។ វាមានកម្ពស់ ៩,២៨១ ហ្វីត ( ២,៨២៩ ម៉ែត្រ ) ។

សាសនា

ប្រហែល ៨០ ភាគរយនៃប្រជាជនគឺកាតូលិក ។ ក៏មានសមាជិកសាសនាចក្រប្រមាណជា ១ ម៉ឺន ៦ ពាន់នាក់ដែរ ។

តន្ត្រី

ប្រជាជនកាប់វែរ ចូលចិត្តតន្រ្តីណាស់ ! ជាធម្មតាពួកគេច្រៀងនៅក្រេអូល ហើយតន្រ្តីរបស់ពួកគេលាយគ្នា តាមបែប ព័រទុយហ្គាល់ ប្រេស៊ីល និងអាហ្វ្រិកខាងលិច ។

ព្រះវិហារបរិសុទ្ធ ប្រៃអា

ព្រះវិហារបរិសុទ្ធដំបូងរបស់ កាប់វែរ បានឧទ្ទិសឆ្លងនៅឆ្នាំមុន !

សកម្មភាព

ដំណើររឿងជាល្បែងកំសាន្ត

នេះគឺជាល្បែងដែលអ្នកអាចលេង ! មនុស្សម្នាក់ចេញក្រៅថ្នាក់ ។ អ្នកផ្សេងទៀតដំណាលប្រាប់ពីដំណើររឿងអំពីបុរសម្នាក់ទៅស្ទួចត្រីនៅសមុទ្រ ។ ខណៈដែលពួកគេនិយាយគ្នា ពួកគេហុចរបស់មួយឲ្យគ្នាទៅវិញទៅមក ។ ដំណើររឿងនេះតែងតែបញ្ចប់ជាមួយពាក្យ « ហើយកូនត្រីក៏ងាប់ » ។ នរណាដែលកាន់របស់នេះ នៅពេលដំណើររឿងនេះបញ្ចប់ លាក់នៅ ក្រោយខ្នងរបស់ពួកគេ ។ អ្នកដែលចេញទៅក្រៅថ្នាក់ ត្រឡប់មកវិញ ហើយទាយថាតើនរណាមានរបស់នោះ ។ ប្រសិនបើពួកគេទាយត្រូវ អ្នកដែលមានរបស់នោះចេញក្រៅថ្នាក់ ។ ប្រសិនបើពួកគេទាយខុស ពួកគេចេញក្រៅថ្នាក់ម្តងទៀត ហើយត្រូវប្រាប់ដំណើររឿងនេះឡើងវិញម្តងទៀត ។

រូបមន្ដធ្វើម្ហូប

ខាប់ជូប៉ា ( ស៊ុបរបស់ កាប់វែរ )

ហាន់ខ្ទឹមបារាំង ១ និង ខ្ទឹម ៦ មើម ។ បន្ទាប់មកដាក់ប្រេងបន្តិចដើម្បីចម្អិនវានៅក្នុងឆ្នាំង ។
យកខ្ទឹមបារាំង និងខ្ទឹមដាក់ចូលឆ្នាំងធំ ។ បន្ថែម ទឹកប៉េងប៉ោះអូកាន ១ អូកាន ហូមីនី ឬពោត ១ និង អូកានសណ្តែកក្រហម ២ ។
បន្ថែម សាច់ ២ ផោន ( ១ គីឡូ ) ដូចសាច់ជ្រូក សាច់ក្រក សាច់គោ ឬត្រី ។
ចាក់ទឹកល្មមឲ្យលិចអ្វីៗនៅក្នុងឆ្នាំង ។ ដាក់ភ្លើងតិចៗឲ្យបានយ៉ាងតិចពីរម៉ោង ។