“Founga Te Ke Lava Ai ʻo Hoko ko ha Faifekaú,” Ko e Kaumeʻá, Siulai 2023, 2–3.
Mei he Kau Palesitenisī ʻUluakí
Founga Te Ke Lava Ai ʻo Hoko ko ha Faifekaú
Toʻo mei he “Malangaʻi e Ongoongolelei ʻo e Melinó,” Liahona, Mē 2022, 6–7; mo e “Hoko ko ha Faʻifaʻitakiʻanga ʻo e Kakai Tuí,” Liahona, Nōvema 2010, 47–49.
Naʻe folofola ʻa Sīsū ki Heʻene kau ākongá ke nau “ʻalu . . . ki māmani kotoa pē, ʻo malanga ʻaki ʻa e ongoongoleleí ki he kakai fulipē” (Maʻake 16:15). ʻOku totonu ke maʻu ʻe he tokotaha kotoa pē ha faingamālie ke ʻiloʻi ʻa e feituʻu te nau lava ʻo maʻu ai ʻa e ʻamanaki lelei mo e melino ʻa Sīsū Kalaisí. ʻOku ʻi ai hotau fatongia toputapu takitaha ke vahevahe e melino ʻa Sīsū Kalaisí kiate kinautolu kotoa pē ʻe fanongó.
Te ke lava ʻo tokoniʻi e niʻihi kehé ke nau maʻu ʻa e melino ʻo e ongoongoleleí ʻaki haʻo:
-
Hoko ko ha faʻifaʻitakiʻanga lelei.
-
Muimui ʻia Sīsū Kalaisi kae lava ke ulo atu ʻEne māmá ʻi ho fofongá.
-
Fakalahi ho ngaahi kaungāmeʻá.
-
Fakaafeʻi ha kaungāmeʻa ke ne lau ʻa e Tohi ʻa Molomoná.
-
Fakaafeʻi haʻo kaungāmeʻa ke mo ō ki ha fakatahaʻanga pe ʻekitivitī ʻa e Siasí.
Te ke lava foki ʻo fili ke ke ngāue fakafaifekau ʻi haʻo matuʻotuʻa ange. Te ne tāpuakiʻi koe mo ha niʻihi kehe tokolahi.
Ko e Ngaahi Kaungāmeʻa ʻoku Mou Feohí
Ngaahi fakatātaá ʻa Garth Bruner
ʻI he fakatātā ʻi laló, vakai pe ko e ngaahi kaungāmeʻa ʻe toko fiha ʻi ha ʻekitivitī ʻa e Palaimelí ʻoku:
-
ʻUlu ʻuliʻuli
-
Sote engeenga
-
Fī honau ʻulú
-
Matasioʻata
-
Kato āfei lanu mata
-
Sū kulokula
-
ʻI ha sea saliote teketeke
-
Maʻu ha foʻi pulu soka