Ko e Hā ʻOkú Ke Fakakaukau Ki Aí?

ʻOku ʻikai silaʻi ʻeku ongomātuʻá ʻi he temipalé. ʻOku ʻuhinga nai ia he ʻikai ke u lava ʻo hoko ko ha konga ʻo ha fāmili taʻengata?

—Fifili ʻi Uoasoá

ʻĪmisi

alt text

ʻAlā Siʻi Fifili,

Ko ha fānau koe ʻo ha ongomātuʻa fakalangi. Naʻa mo e kimuʻa peá ke haʻu ki he māmaní, naʻá ke hoko ko ha konga ʻo Hona fāmilí. Pea he ʻikai ʻaupito ke liliu ia! Ko ia ai, neongo ai ha meʻa, te ke hoko maʻu pē ko ha konga ʻo ha fāmili taʻengata!

ʻOku ʻofa lahi ʻa e Tamai Hēvaní ʻiate koe mo ho fāmilí. ʻOkú Ne finangalo ke mou foki kotoa ange kiate Ia. Te Ne hokohoko atu hono tāpuakiʻi mo tataki koe mo ho fāmilí. Lotu kiate Ia fekauʻaki mo e ngaahi meʻa ʻokú ke hohaʻa ki aí, pea te Ne fakafiemālieʻi koe.

ʻOfa atu,

Ko e Kaumeʻá

Tā ʻa e mēmipa takitaha ʻo ho fāmilí pea mo ha meʻa ʻokú ke saiʻia ai kau kiate kinautolu! Sio ki he lelei ʻi hoʻo fāmilí. Talaange kiate kinautolu ʻa e meʻa ʻokú ke sio ki aí!