“Ko e Muimui kia Sīsū ʻi Nepoló,” Ko e Kaumeʻá, Siulai 2023, 16–17.
Ko e Muimui kia Sīsū ʻi Nepoló
Feʻiloaki mo Samioko!
Fekauʻaki mo Samioko
Taʻu motuʻá: 9
Mei: Vahe Pakimatí, Nepolo
Lea Fakafonuá: Lea Faka-Nepolo, Lea Faka-Pilitānia
Ngaahi Taumuʻá mo e misí: 1) Hoko ko ha pailate. 2) Muimui kia Sīsū Kalaisi. 3) Fakahingoa hono foha ʻuluakí ko “Sreejal,” ʻa ia ko hono ʻuhingá ko e maʻa.
Fāmilí: Samioko, Aama (Mami), Buba (Teti), mo e ongo didis ʻe toko ua (tuofāfine lalahi ange)
Ko e Founga ʻoku Muimui Ai ʻa Samioko kia Sīsuú
ʻOku ʻikai tokolahi ha kakai Kalisitiane ʻi Nepolo. ʻOku tokolahi ha kakai ʻoku ʻikai ke nau ʻilo lahi kia Sīsū Kalaisi. ʻOku manako ʻa Samioko ke talanoa ki he niʻihi kehé fekauʻaki mo Sīsū.
ʻI ha taimi ʻe taha, naʻe fakahoko ai ʻe he ʻapiako ʻo Haʻamoá ha fakafiefia Faka-Kilisimasi ke tokoni ki he kau akó ke nau ako fekauʻaki mo e ngaahi ʻaho mālōlō ʻi he funga ʻo e māmaní. Naʻe vahevahe ʻe Samioko, ko ha Kalisitiane ia. Naʻá ne tali e ngaahi fehuʻi ʻa ʻene kau faiakó mo e kaungāakó fekauʻaki mo Sīsuú.
Naʻe pehē ʻe Samioko, “ʻOku ou fie muimui kia Sīsū Kalaisi ʻi he kotoa ʻo ʻeku moʻuí.”
Ngaahi Meʻa ʻOku Manako Taha ai ʻa Samiokó
Talanoa fekauʻaki mo Sīsū: ʻI he taimi naʻá Ne pekia ai maʻatautolu koeʻuhí ʻokú Ne ʻofa ʻiate kitautolu.
Feituʻú: Ko e loto fale ʻi hono ʻapí
Hiva ʻa e Palaimelí: “Muimui he Palōfitá” (Tohi Hiva ʻa e Fānaú, 58–9)
Ngaahi Meʻakaí: Keke mo e kukhura (moa)
Ngaahi Lanú: Moli mo e pulū
Ngaahi lēsoni ʻi he akó: Saienisi mo e fika
Ngaahi tā fakatātā ʻa Aaron Cushley