“Ngaahi ʻEkitivitī ʻo e Haʻu, ʻo Muimui ʻIate Aú maʻá e Fānau Īkí,” Ko e Kaumeʻá, Siulai 2023, 49.
Fuakava Foʻoú
Ngaahi ʻEkitivitī ʻo e Haʻu, ʻo Muimui ʻIate Aú maʻá e Fānau Īkí
Ki he Ngāue 1–5
Tokoniʻi hoʻo fānau īkí ke nau pehē, “Te u lava ʻo muimui he palōfita.” Fakaʻaliʻali ange kiate kinautolu ha fakatātā ʻo Palesiteni Nalesoni mo hivaʻi e tau ʻo e “Muimui he Palōfitá” (Tohi Hiva ʻa e Fānaú, 58–9). Talanoa ki ha taimi naʻá ke muimui ai ki he palōfitá.
Ki he Ngāue 6–9
Tānaki hoʻo fānau īkí pea tamateʻi e ʻuhilá ʻi ha loki. Fakaʻaongaʻi ha kasa ke tataki kinautolu ʻi he lokí. Fakamatalaʻi ange ʻoku hangē ʻa e Laumālie Māʻoniʻoní ha kasa koeʻuhí he te Ne lava ʻo tataki mo fakahinohino mai ʻa e halá.
Ki he Ngāue 10–15
Vakai mo hoʻo fānau īkí ki ha ngaahi fakatātā ʻo ha fānau ʻoku lanu kehekehe honau kilí, faʻahinga ʻo e sinó, mo e ngaahi meʻa fakatuʻasino ʻoku nau malavá. Fakamatalaʻi ange ʻoku ʻofa ʻetau Tamai Hēvaní Heʻene fānaú kotoa. Tokoni ki hoʻomou fānau īkí ke faʻu ha foʻi haati ʻaki honau nimá pea puke ia ʻi he tafaʻaki ʻo e ngaahi fakatātaá.
Ki he Ngāue 16–21
Tokoniʻi hoʻomou fānau īkí ke nau faʻu ha ngaahi pine faifekau ʻaki honau hingoá mo e hingoa kakato ʻo e Siasí. Fakamatalaʻi ange ʻoku akoʻi ʻe he kau faifekaú ʻa e kakaí fekauʻaki mo Sīsū. Fakapipiki ʻa e ngaahi piné pea tokoniʻi hoʻo fānau īkí ke nau lea ʻaki ʻa e ʻuhinga ʻoku nau ʻofa ai ʻia Sīsuú.