“Mālō e Lelei mei Nepolo!” Ko e Kaumeʻá, Siulai 2023, 18–19.
Mālō e Lelei mei Nepolo!
Ako fekauʻaki mo e fānau ʻa e Tamai Hēvaní ʻi he funga ʻo e māmaní.
Ngaahi tā fakatātā ʻa Brenna Vaughan
Ko Nepoló ko ha fonua ia ʻi ʻĒsia Tonga ʻOku meimei ko e kakai ʻe toko 30 miliona ʻoku nau nofo ʻi aí.
Ko ha Fuka Makehe
Ko Neipolo pē ʻa e fonua ʻoku ʻikai lekitengikolo ʻenau fuká! ʻOku ʻi ai ha laʻā mo ha māhina ai.
Moʻunga ʻEvalesí
ʻOku ʻi Nepolo ʻa e moʻunga māʻolunga taha ʻi māmaní, ʻa ia ʻoku fute ʻe 29,032 (mita ʻe 8,849) hono māʻolungá. Kuo laka hake he kakai ʻe toko 6,000 kuo nau kaka ʻo aʻu ki ʻolunga.
Ngaahi Kaungāmeʻa Hinitū
Ko e tokolahi taha ʻo e kakai ʻi Nepoló ʻoku nau muimui ʻi he lotu faka-Hinituú. ʻI he tui fakalotu ko ʻení, ko e fanga pulú ko ha fanga monumanu toputapu ia ʻoku fakaʻapaʻapaʻi.
Dal Bhat
Ko e ʻaho kotoa pē ʻoku kai ʻe he kakaí ʻi he houa kai ʻaki ʻa e dal (lenitila [piisi, piini]) mo e bhat (laise). ʻOku nau faʻa kai ʻaki ia e meʻakai kehé, hangē ko e vesitapoló mo e vesitapolo kuo fakatolongá.
Ko e Tohi ʻa Molomoná
Naʻe fuofua pulusi kakato e Tohi ʻa Molomoná ʻi he lea faka-Nepoló ʻi he 2017. Naʻe fiefia ʻaupito e kāingalotu ʻo e Siasí ʻi aí!