“Nakomai, Iriirai Waaki ni Kakukurei,” Te Rao, Turai 2023, 6–7.
Nakomai, Iriirai Waaki ni Kakukurei
Ibukin bootakin te utu n te tairiki ke kamatebwai ni booki aika tabu, ke ti ibukin te kaungaunga!
Ira te tia Kairiiri
Kamataata n te tamnei iroun Katy Dockrill
Ibukin Makuri 1–5
Te Karaki: Imwiin maten Iesu, e weteaki Betero bwa e na riki bwa te tia kaira ana Ekaretia te Uea. Ko kona ni wareka te karaki aei n iteraniba 46 ke n Makuri 2–3.
Te anene: “Stand for the Right” (Aia Boki n Anene Ataei, 159)
Waaki ni Kakukurei: Rinea te aomata ae na riki bwa te tia kairiiri. Angan te tia kairiiri bwa e na karaoa te mwakuri ( n aron ae na kibakiba iaon waena teuana ke ni minomino). Ake tabeman a na katotongiia. Ngkana te tia kairiiri e bita te bwai are e karaoia, naake tabeman a na manga katotonga te mwakuri ane e boou anne. Karaoa te ikaruoruo n riki bwa te tia kairiiri ni karokoa are a bane n tia aomata.
Manga Kaitiakii Riki
Ibukin Makuri 6–9
Te Karaki: Te mwaane ae arana Tauro e kataia n urua ana Ekaretia Iesu Kristo. Imwiina e raira nanona ao e bita maiuna. E riki bwa te mitinare ao n reireiniia aomata taekan Iesu Kristo. E kinaaki n arana ae Bauro. (Taraa Makuri 9:1–20.)
Te anene: “I Know My Father Lives” (Aia Boki n Anene Ataei, 5)
Waaki ni Kakukurei: Kabaarekai baim. Aekakira aron am namakin ngkana a barekareka baim? Imwiina, kaitiakii baim ma te toobu ao te ran. Kaitiakan baira kanga ai aron te rairannano. Ibukin Iesu, ti kona n rairi nanora ao ni manga itiaki riki imwiin ara bure.
Te Kakaewenako ibukiia Mitinare
Ibukin Makuri 10–15
Te Karaki: Barenaba ao Bauro bon mitinare ngkoa (taraa Makuri 13:2–4). A reireiniia aomata taekan te Tia Kamaiu. Mitinare ni boong aikai a reireiniia aomata rongorongona naba.
Anene: “Teach me the Stories of Jesus” (Aia Boki n Anene Ataei,, 57)
Waaki ni Kakukurei: Rinea te bwai ae kakaewenako man iteraniba 38–39 ni uaia ni karaoi, n aron buokan temanna kaain rarikim. Ko na kanga n riki bwa te mitinare ngkai?
Tamneim
Ibukin Makuri 16–21
Te Karaki: Te Abotoro ae Bauro e taku bwa ngaira ni kabane bon natin te Atua (taraa Makuri 17:28–29). Tamara are i Karawa e tangiriia Natina ni kabane. E a tia n anganiira n tatabemaniira nako bwaintangira ao taarena.
Te Anene: “INgai Natin Te Atua” (Aia Boki n Anene Ataei,, 2–3)
Waaki ni Kakukurei: Korea bon oin tamneim. Mai ieta, korea, “Ngai Natin te Atua.” Ni katobibia te tamnei, korea ke korei tamnein bwaai ake ko tangiria ni kan karaoi. Ko na kanga ni kabongana am taarena ni buokiia tabeman?