“E Maroroakina taekan Rongorongon te Utu Benjamin,” Te Rao, Turai 2023, 36–37.
Benjamin E Maroroakina taekan Rongorongon te Utu
Benjamin bon kaain Buenos Aires, Argentina. Ti titirakinna tabeua titiraki ibukin rongorongon te utu.
Ko kanga ni waaki ni karaoa rongorongon te utu?
I waaki ni karaoa rongorongon au utu ma tamau. Ti uaia ni karaoia ni katoa Tabati. E buokai tamau n reireinai arou ni kabongana te FamilySearch. I bon riai ni kataneiaai ni kakaraoia. Ngkai I karaoa rongorongon au utu ma tamau ke ma ai tariu ae Jasmina.
Tera ae ko tangiria riki n rongorongon te utu?
I tangiria ni kakaiia aomata aika a boou ni kariniia n au kateiriki ibukin au utu. Te moan, I kunei rekooti ake ngkoa. Ngkanne I kakaei araia au bakatibu. I kunei aia bong ni bung ao te tabo are a bungiaki iai. I kunei tabeua taabo ake a maeka naba iai.
Tera ae ko reiakinna n rongorongoia am bakatibu?
I reiakinna bwa iai au bakatibu ae kaain Itare ao Tiaman. Temanna mai buakoia au bakatibu ae kaain Itare titebo arana ma tariu! Aran tariu bon “Santiago,” are bon “Giacomo” n te taetae n Itare. I reiakinna naba bwa ara kabanea n ara ae aran ara utu e bon kaokoro atongan manin taekana.
Ko na kanga ni buokiia aomata ni karaoa rongorongon aia utu?
I buoka tibu te unnaine ni kabongana te FamilySearch. I reiakinna bwa e na kanga ni karin taian n ururing. I buokia naba ni kariniia tabeman aomata ake a bua taekaia nakon ana beeba n katei riki. Tabeman ana utu a rangi ni mwaiti araia! E anaa te tai ae maan ni karinii araia ni kabane. Ma I rangi ni kukurei bwa I kona ni buokia n reireinna aron kabonganaan te FamilySearch, n aron ae e buokai tamau.
Tera te mwakuri ni karikirake ibukin rongorongon te utu ae ko kan karaoia imwiina?
I kan karaoi witeo ibukiia raoraou ao au utu ni buokiia n reireiniia aron kabonganaan te FamilySearch. Ngkana I waaki, N na reiakina ae mwaiti. I tangiria ni kan reireiniia tabeman aomata bwa aonga ni karaoa aekan naba aio.
Kamataata n te taamnei iroun Laura Zarrin