Tera ae Mena n Am Iango?

A tuai kabaeaki au karo n te tembora. Nanon anne I aki kona n riki bwa mwakoron te utu ae akea tokina?

—Te Mimii iaon Warsaw

Nakon Te Tia Mimii,

Ngkoe bon natiia ara karo ake i karawa. Imwaain rokom nakon te aonaaba, bon ngkoe mwakoron Aia utu. Ao anne e na bon aki bitaki! Ngaia are e aki kakawaki bwa tera, n taainako ao bon ngkoe mwakoron te utu ae akea tokina!

E rangi n tangiriko Tamam are i Karawa ao am karo. E tangirii ngkami ni kabane bwa kam na oki Nakoina. E na teimatoa ni kakabwaiako ao ni kairiko ma am utu. Tataro Nakoina ibukin raraomam, ao E na karaua nanom.

Ma te tangira,

Te Rao

Korei tamneia am utu n tatabemaniia nako ao te bwai ae ko tatangiria ibukiia! Taraa te bwai ae tamaroa inanon am utu. Tuangiia te bwai ae ko nooria!

E korakora riki am utu nakoim ao am karo. Am utu bon tibum, naan ai tarim ma mwaanem, ao ni kabane ake a roko imwaaim. N te bong teuana am utu a na kona ni karina buum ao natim. Anne teuana te utu ae bubura!