Nakomai, Iriirai Waaki ni Kakukurei ibukiia ake a Uarereke,” Te Rao, Turai 2023, 49.
Te Nu Tetemanti
Nakomai, Iriirai Waaki ni Kakukurei ibukiia Ataei aika a Uarereke
Ibukin Makuri 1–5
Buokiia am ataei aika a uarereke n atonga, “I kona n iriira te burabeti.” Kaota nakoia tamnein Beretitenti Nelson ao anenea te korati n “Follow the Prophet” (Aia Boki n Anene Ataei, 110–11). Maroroakina taekan te tai teuana ngke ko iriira iai te burabeti.
Ibukin Makuri 6–9
Ikotiia am ataei aika a uarereke ao tiringa tauran te ruu. Kabongana te tooti ni kairiia iai ao katobibia nanon te ruu. Kabwarabwaraa ae te Tamnei ae Raoiroi bon aekakin te tooti ibukina E kona ni kairiira ao ni kaota te kawai nakoira.
Ibukin Makuri 10–15
Ma am ataei aika a uarereke, tarai tamneia ataei ma kakaokoron kuniia, tein rabwataia, ao aia konabwai n rabwataia. Kabwarabwara ae Tamara are i Karawa e tangiriia Natina ni kabane. Buokiia am ataei aika a uarereke bwa a na karaoa te aati ni baia ao taua ni kaniia nakon taian tamnei.
Ibukin Makuri 16–21
Buokiia am ataei aika a uarereke bwa a na karaoa aia taeka mitinare ma araia iaona ao bwaninin aran te Ekaretia. Kabwarabwaraa ae mitinare a reireiniia aomata taekan Iesu. Kanim taian taeki ao buokiia am ataei aika a uarereke n taekinna bwa bukin tera a tangira Iesu.