“Kofta ibukin te Katawanou,” Te Rao, Turai 2023, 12–13.
Kofta ibukin te Katawanou
“Tera te bwai ae kamiimi ae ko a tia ni kanna?”
E riki te karaki aei i Amerika.
E tekateka Roy n te taibora ao ni kauka ana baeki ni katawanou. A bon tibwa mwaing Ana utu, ao aio bon ana moan bong n ana reirei ae boou. Tinana e karaoa mamaten nanona kanana ae te amwarake n Armenia, ae te kofta. E kukurei ngkai E nang kanna!
Roy e kabwaraa te beeba ae raneanea are e niiraki iai kanana te kofta. Titebo ma taraakin te meatball ae anaanau, ao n irariki. E tangiri boin taian rengarenga n amwarake ake a umwunaki inanon te irikomaiu. Ao te bwangabwanga are i nuukana e karikia kanga taraakin te biira ae uarereke. E kanimmwa n riana ao e ukia. Imwiina ao e tenaia. E kangkang!
“Eei,” e taku te ataeinimwaane are e tekateka n iteran te taibora. “Tera te bwai ae kamiimi ae kanna?”
E namakinna Roy ae a baauraura tabana. “Bon au katawanou.”
“Eng, kanga e aki tikiraoi taraana.” E ngare te ataeinimwaane.
“E aki ataia Roy bwa tera ae na taekinna. E aki ataia ae bon akea temanna ikai ae e a tia ni kana te kofta. E aki tangiria ae a na taku n aia iango bwa e kamiimii! Ngaia are e kanakoa ana katawanou ao e biri n otinako ibukin te motirawa teutana.
Imwiin te reirei, E kunea Tinana Roy bwa e tabe ni butii kanoan taian bwaoki.
“I aki kan manga uota riki te kofta nakon te reirei,” e taku Roy.
“Bukin tera?” E titiraki Tinana. “Anne mamaten nanom.”
E tuanganga Roy te bwai are e riki n te reirei. “E rangi ni kamaama!”
“I kabwarabure ngkai e riki anne,” e taku Mom. “Angiin te aomata ikai a bon tuai kaakana te kofta. Tera ngkana ti anganiia aia tai tabeman ataei bwa a na kataia ni kang tabeua?”
“Bukin tera?” E titiraki Roy. “A na bon aki kan kanna.”
“Ma, ko aki kona n ataia ni karokoa are ko titiraki! I ataia bwa e bon kangaanga kakaeakiia raoraom aika a boou. Ma ngaira ni kabane bon natin te Atua. N tabetai ti bon riai ni kinaira riki ibon imarenara”.”
E tabe n iangoia Roy. E aki tangiria bwa e na ngareakinaki. Ma e tangiria bwa e na anganiia riki aia tai ataei n tain te katawanou bwa aonga n ataia. Ao te kofta e bon rangi ni kangkang.
E katoua atuuna. “E RAOIROI. Ti a karaoi riki tabeua.”
N te bong are imwiina n tain te katawanou, e kakorakora n ikeike Roy. E tekateka iaon tano irarikin te ataeinimwaane are e ngareakinna.
E kauka ana baeki ni katawanou Roy. “Iai mairoumi ae kan kataa tabeua amwaraken Armenia?”
Ataei ake tabeman a ikotaki ni katobibi ngkai Roy e kanakoa niniran te kofta.
“N na katai tabeua,” e taku te ataeinimwaane.
“Ngai naba,” e reitia te ataeinnaine. Roy e tabe ni kabuta te kofta bwa aonga ni bane ni kataia aomata ni kabane. Imwiina a bane n tenaia n noora kangkangina.
“E rangi n tikiraoi!” e taku te ataeinimwaane. “Tera arana?”
“Kofta,” e taku Roy.
“Eti raoi!” E moangare te ataeinimwaane. “Ngai John. Ko tangiria ni kan takakaro n tain te motirawa ae uarereke?”
E bon tii katoutoua atuuna Roy ma wiina ae onrake. E eti tinana—bon natin te Atua ngaiia ni kabane! Ao te ibuokanbwai e buokia ni karekeia raoraona imwiin akanne.
Kamataata n te tamnei iroun Mark Robison