“Mauri mai Nepal!” Rao, Turai. 2023, 18–19.
Mauri mai Nepal!
Reiakina rongorongoia natin Tamara are i Karawa ni kabuta te aonaaba.
Kamataata n te tamnei iroun Brenna Vaughan
Nepal te aba i Asia Maiaki. E nakon 30 te mirion aomata aika a maeka ikekei.
Te Buraeki ae Onoti
Nepal bon tii te aba ma ana buraeki ae aki rekitangkoro! Iai taai ao namwakaina iaona.
Te Maunga ae Everest
Nepal bon te tabo ae te kabanea n rietaata maungana n te aonaaba, ae 29,032 te buuti (8,849 m) rietaatana. E riaon 6,000 aomata ae a tia n tamwarake ni karoko i taubukina.
Rao aika kaain Hindu
Angiina aomata iaon Nepal bon kaain te aro ae Hinduism. N te aro aei, taian kao ao maan aika a tabu a kawakinaki raoi ma te karinerine.
Dal Bhat
N te bong ae koraki aomata amwarake n te dal (lentils) ao bhat (te raiti). N taainako ao a kanna ma raon amwarake ake tabeua, n aron bukinkai aika a kuukanaki n te kare ao bukinkai aika a kamaraaki n te bwai ae beneka.
Ana Boki Moomon
E booretiaki bwaninin ana Boki Moomon n te taetae n Nepal n te moan tai n 2017. Membwa n te Ekaretia ikekei a rangi ni kukurei!