Bwaai ni Kaunga

Te Kakaewenako ibukiia Mitinare

Alt text

Kamataata n te tamnei iroun Sammie Francis

Reiakinna bwa tera ae a karaoia mitinare! Ngkanne iriira te kawai ao karaoa te kakaewenako.

Mitinare a kaitibo ma aomata aika a boou ao a marooro ma ngaiia.

Kinaa temanna kaain am kiraati ke kaain rarikim ae ko tuai kinaa.

Tabeman mitinare a reiakina te taetae ae boou.

Reiakiniko tabeua taeka n te taetae ae boou. Ko kona n reiakiniko n taekina, “E tangirai Iesu” ke “Ngai natin te Atua.”

Atibwaua aia taarena Mitinare! Tabeman a katanga te biaano n te taromauri, a reiakiniia n tibwauai koroboki aika tabu, ke ni kabonganai tabeua taarena ni kakabwaiaia tabeman.

Iangoa te taarena ane iroum. Ngkanne kabongana te taarena anne ni buoka temanna!

A tataro ibukiia tabeman Mitinare.

Iangoia uoman ke teniman aomata ake ko kinaia ao tataro ibukiia. Bubutiia Tamara are i Karawa bwa e na kakabwaiaiia.

Mitinare a reireiniia tabeman taekan Iesu Kristo.

Tuanga raoraom ke temanna kaain am utu te bwai ae ko reiakina iai rongorongon Iesu n te Moanrinan.