Mulimuli Faatasi Ia Iesu

Sa ou filifili e savali i se ala fou ma mulimuli ia Iesu Keriso ina ua ou papatiso. Sa faigofie lo’u papatisoga ae sa tele ni lagona, ma sa ou lagonaina [le avea] o se tagata fou. Ou te manao e auauna atu i se misiona talai.

Happiness D., 9 tausaga, Accra, Kana

Ou te taumafai e mulimuli ia Iesu talu ona papatisoina a’u e ala i le agalelei i lo’u uso pepe. Ou te fesoasoani e ala i le tuleia o lana taavale pepe. Ou te lagona le fiafia pe a ou agalelei, ma ou te iloa e fiafia foi Iesu.

Simon P., 9 tausaga, Massachusetts, ISA

Ou te mulimuli ia Iesu e ala i le tatalo, alofa i isi, ma le mauaina o le faatuatua.

Yoreli T., 6 tausaga, Zumpango, Mekisiko

I le Aso Kerisimasi sa ma tuuina atu ai ma lo’u tamā ni meaai i tagata e leai ni fale. Sa o se mea fiafia! O le mulimuli ia Iesu ou te maua ai le fiafia.

Akari F., 9 tausaga, Chiba, Iapani

Ou te mulimuli ia Iesu e ala i le faitauina o a’u tusitusiga paia ma mulimuli i Ana poloaiga.

Luke W., 9 tausaga, Wyoming, ISA

Ou te mulimuli ia Iesu e ala i le alofa i lo’u aiga ma le avea ma fesoasoani laitiiti i lo’u tinā.

Chloe D., 4 tausaga, National Capital Region, Filipaina

Soo se taimi lava ou te tatalo ai, faitau tusitusiga paia, pe fai se mea lelei, ou te lagona le fiafia. E pei o se opo mai se tasi ou te alofa i ai. Ou te iloa o le Agaga Paia lea.

Caileen D., 6 tausaga, National Capital Region, Filipaina

Ou te lagonaina le Agaga Paia pe a ou feagai ma taimi faigata. E fesoasoani ia ou maua lagona lelei.

Hunter O., 11 tausaga, North Carolina, ISA

Ou te lagonaina le Agaga Paia pe a ou faatoafilemuina lo’u mafaufau ma filifili le mea sa’o. Pe a ou faalogo i lo’u tinā ma lo’u tamā, e mafai ona ou lagonaina le latalata mai o le Agaga Paia.

Oliver B., 10 tausaga, Uosigitone, ISA

O le Agaga Paia e lagona mafanafana ma faamalosiau. O loo i ai le Agaga Paia iina mo oe pe a e manaomiaina, lea e faapitoa tele ai.

Aisea A., 9 tausaga, Central Division, Fiti

O le Agaga Paia ou te lagona ai le fiafia, olioli, ma le malosi.

Hailey G., 7 tausaga, Santa Cruz, Polivia

Ina ua ou papatiso, sa ou lagona le malulu ona o le vai. Ma ina ua uma, sa ou lagonaina le mafanafana ma le mama. O le papatisoina sa ou faia ai se laasaga tele agai atu ia Keriso ma lo tatou Tama Faalelagi.

Malayla S., 8 tausaga, Yukon, Kanata