E Mafai Ona Ou Mulimuli ia Iesu Keriso

Sa auauna atu Iesu i isi (tagai Ioane 13:5, 13–17). E mafai ona ou iloa mea e manaomia e tagata ma faia le mea sili ou te mafaia e fesoasoani ai.

Sa faaaofia e Iesu isi (tagai Mareko 10:14). E mafai ona ou faaaofia isi ma avea ma se uo ia i latou o e lagonaina le tuulafoaiina.

Sa tatalo Iesu mo isi (tagai 3 Nifae 17:15–18). E mafai ona ou talanoa i le Tama Faalelagi i le tatalo. E mafai foi ona ou ole atu ia te Ia e faamanuia isi.

Na faamagalo e Iesu isi (tagai Ioane 8:11). E mafai foi ona ou faamagalo atu i isi. Ma pe a ou faia se filifiliga sese, e mafai ona ou fai atu, “Ou te faamalie atu.”

Na aoao atu e Iesu le talalelei (tagai Mataio 5:1–9). E mafai ona ou faasoa atu le talalelei i isi. E mafai ona ou aoao atu i tagata e uiga ia Iesu.

O Iesu o se faataitaiga atoatoa (tagai Ioane 13:15). E mafai ona ou faia le mea sili e mulimuli ai ia Iesu. E mafai foi ona avea a’u ma se faataitaiga mo isi.