“Tuputupu A’e e Pei o Iesu i le Polokalama a Tamaiti ma le Autalavou,” Uo, Aokuso 2023, 41.
Tuputupu A’e e Pei o Iesu i le Polokalama a Tamaiti ma le Autalavou
O le polokalama a Tamaiti ma le Autalavou e mafai ona fesoasoani ia te oe e avea atili ai e faapei o Iesu Keriso e ala i le alu i gaoioiga a le Peraimeri, faatutu sini, ma le aoaoina o le talalelei. E mafai foi ona fesoasoani ia te oe e faataitai ai ni mea fou ma maua ai le fiafia! O lau Tusitaiala a Tamaiti e mafai ona fesoasoani ia te oe e amata ai. Afai e leai sau kopi, fesili i lou faiaoga Peraimeri mo se kopi.
E mafai ona e tuputupu a’e faaleatamai e ala i le aoaoina o se mea fou.
E mafai ona e tuputupu a’e faaletino e ala i le faatinoina po o le faataitaia o se tomai.
E mafai ona e tuputupu a’e faaleagaga e ala i le aoao atili e uiga i le talalelei.
E mafai ona e tuputupu a’e faaleagafesootai e ala i le fausiaina o faauoga ma isi.
Ata na tusia e Jimmy Holder