E Faapefea Ona Tatou Tatalo?

O le tatalo o le auala lea tatou te talanoa ai ma le Tama Faalelagi. E finagalo lava o Ia e faafofoga mai ia te oe, ma e faafofoga mai o Ia i taimi uma. E tali mai o Ia i au tatalo i le tele o auala. E mafai ona Ia tuuina atu ia te oe se uunaiga, po o se lagona, mai le Agaga Paia. Pe atonu Na te uunaia se isi tagata e fesoasoani atu ia te oe.

Auala e Tatalo ai

• Moeiini ou mata, punou lou ulu, ma piilima ou lima.

• Amata i le faapea atu, “Le Tama Faalelagi Pele.”

• Talanoa atu i le Tama Faalelagi i le faaaloalo ma le migao.

• Faauma i le faapea atu, “I le suafa o Iesu Keriso, amene.”

• E mafai ona e tatalo leotele pe i lou mafaufau, i soo se taimi.

O nisi nei o mea e mafai ona e tatalo e uiga i ai.

• Faafetai i le Tama Faalelagi mo mea e te faafetai ai.

• Ta’u atu ia te Ia mea faigata pe lelei na tutupu i lou aso.

• Fesili atu ia te Ia mo se fesoasoani pe a e fefe pe le iloa le mea e fai.

• Fai atu ia te Ia e faamanuia se isi tagata o manaomia le fesoasoani.

Ou te faafetai i Lau Afio . . .