“Kababayen-an nga may Hugot nga Pagtuo,” Higala, Septiyembre 2023, 2–3.
Gikan sa Unang Kapangulohan
Kababayen-an nga may Hugot nga Pagtuo
Gipahaom gikan sa “Teachings of Women,” [Mga Pagtulon-an sa mga Babaye] Church News, Sept. 15, 2022 (bidyo).
Ang akong labing importante nga mga magtutudlo sa akong kinabuhi mao ang mga babaye. Sa bata pa ko, ang akong amahan namatay, ug ang akong inahan nasakit og grabe sa dihang siya nag-eskwela sa usa ka unibersidad. Ang akong lola sama sa usa ka laing inahan nako, bisan human moarang-arang ang akong inahan. Silang duha mitudlo nako mahitungod sa ebanghelyo, pagserbisyo, ug mga responsibilidad sa pamilya. Ang akong hugot nga pagtuo sa Ginoo nagagikan hapit tanan gikan kanila.
Ang akong asawa nga si June usa usab ka talagsaon nga kompanyon ug magtutudlo alang kanako. Human mamatay si June, giminyoan nako ang akong asawa nga si Kristin. Siya adunay dakong impluwensya sa akong kinabuhi.
Mapasalamaton ako kanunay sa matinud-anong mga ehemplo ug mga pagtulun-an niini nga mga babaye.
Ang Tanan Gikinahanglan
Unsaon ninyo sa pagpakita og pagtahod alang sa mga batang babaye ug mga hamtong nga babaye ug alang sa mga batang lalaki ug mga hamtong nga lalaki?