“Hello gikan sa USA!” Higala, Septiyembre 2023, 18–19.
Hello gikan sa USA!
Si Laksmi mipuyo sa Hawaii ug karon nagpuyo sa Utah. Niay pipila ka tinuod nga butang mahitungod niana nga mga estado.
Mga paghulagway pinaagi ni Audrey Day
Ang Estados Unidos sa Amerika usa ka nasod nga nahimutang sa Amihanang Amerika. Mga 300 ka milyon ka tawo ang nagpuyo didto.
Mga National Park
Ang USA dunay 63 ka mga national park. Ang Arches National Park anaa sa mga deserto sa Utah ug dunay 2,000 ka hinimo sa balas ug bato nga mga arko. Ang Haleakalā National Park naa sa Hawaii ug dunay bulkan.
Mga Pioneer gikan sa Tibuok Kalibotan
Ang USA dunay mga pamilya gikan sa tibuok kalibotan. Sa mga tuig 1800, kadaghanan sa mga pioneer nga Santos sa Ulahing mga Adlaw nga mibiyahe ngadto sa Utah naggikan sa ubang mga nasod.
Duha ka Matahom nga Templo
Ang Salt Lake Temple maoy unang templo nga gisugdan og tukod sa mga pioneer sa Utah. Miabot og 40 ka tuig hangtod nahuman ang pagtukod niini!
Ang Laie Hawaii Temple mao ang unang templo nga gitukod sa gawas sa Utah human ang mga Santos namalhin sa Kasadpan.
Dili Katuohan nga Bunga
Mga 10 porsyento sa mga pinya sa kalibotan gipatubo sa Hawaii. Ang mga pinya nagrepresentar sa pagkamaabiabihon ug kamabination.
Mahigalaon nga Estado
Ang Hawaii gitawag og Aloha nga Estado. Kana tungod kay ang aloha nagpasabot og “hello.” Ang mga Hawaiian nailhan sa pagkamahigalaon.