“Si Jesus Nabanhaw,” Higala, Septiyembre 2023, 24–25.
Mga Istorya kabahin ni Jesus
Si Jesus Nabanhaw
Tangtanga kini nga pahina ug pil-a kini og katunga. Dayon ipataas ang litrato samtang inyong isaysay ang istorya.
Ang ikatulo nga adlaw human si Jesukristo mamatay, si Maria Magdalena miadto sa Iyang lubnganan. Ang bato naligid. Nawala Siya!
Nagsugod sa paghilak si Maria. Nagtuo siya nga adunay mikuha sa Iyang lawas. Dayon nakadungog siya og tingog sa iyang luyo. Usa ka tawo miingon, “Babaye, nganong naghilak ka man?”
Si Maria nagtuo nga ang tawo mao ang hardinero. Nangutana siya asa ang lawas ni Jesus.
“Maria,” mitubag ang tingog. Niining higayona si Maria nakaila sa tawo. Dili kadto ang hardinero. Si Jesus kadto! Nabanhaw Siya. Gisultihan Niya si Maria sa pagsulti sa ubang disipulo nga Siya nabuhi pag-usab.
Si Jesukristo buhi karon. Tungod Kaniya, kitang tanan mabanhaw usab.