O Gaoioiga o le “Sau, Mulimuli Mai ia te A’u ,” Uo, Oke. 2023, 6–7.

Gaoioiga o le Sau, Mulimuli Mai ia te A’u

Mo afiafi faaleaiga po o le suesueina o tusitusiga paia—pe tau lava o se mea malie!

O le Taaloga o le Faafetaui o le Ofutau a le Atua

4 spot illustrations: 1) Boy and girl putting on armor. 2) An envelope/letter blowing with the wind towards a house. 3) A boy showing a drawing he made. 4) 3 or 4 children drumming with sticks.

Mo Tagata Efeso

Tala: Na aoao mai e Paulo i tatou e oofu “i ofutau atoatoa mai le Atua” (Efeso 6:13–17). Pe a tatou mulimuli ia Iesu Keriso, e puipuia i tatou faaleagaga! Faitau le tala faatusipaia i le itulau e 46 e aoao atili ai.

Pese: “Mana o Tusitusiga Paia” (“Musika mo Tamaiti,” ChurchofJesusChrist.org)

Gaoioiga: Sue i le itulau 8 e fai ai se gaoioiga faafetaui. E fesoasoani faapefea le ola i le talalelei ia te oe ia tausia oe ia saogalemu?

O le Filemu mai le Faaola

Mo le Filipi; Kolose

Tala: Pe a faigata mea uma, e mafai ona tatou tatalo mo se fesoasoani. Ona o le Faaola, ua mafai ai ona tatou lagonaina le mafanafana ma le filemu. (Tagai i le Filipi 4:4–7.)

Pese: “Le Alofa o Lo’u Faaola” (Tusipese a Tamaiti, 42–43)

Gaoioiga: I le itulau e 10, faitau le tala e uiga i se teineitiiti na lagonaina le alofa o Iesu Keriso. Ona mafaufau lea i se taimi na e lagonaina ai le toafilemu ona o Ia. Tusi e uiga i ai pe tusi se ata. Ona auina mai lea ia i matou i le Uo! Alu i le faavaa pito i tua e vaai ai pe faapefea.

Ata o le Lotofaafetai

Mo le 1 ma le 2 Tesalonia

Tala: Na aoao mai Paulo, “Ia outou faafetai i mea uma lava” (1 Tesalonia 5:18). E mafai ona tatou faaalia lo tatou lotofaafetai e ala i le faafetai atu i isi mo la latou fesoasoani. E mafai foi ona tatou faafetai i le Tama Faalelagi pe a tatou tatalo.

Pese: “Faafetai I Lo Tatou Tama” (Tusipese a Tamaiti, 15)

Gaoioiga: O a nisi o ou faamanuiaga? Tusi pe oti ese ata mai se mekasini o mea e te faafetai ai. Ona avatu lea o lau ata i se tasi e te manao e faafetai i ai.

Ta ta le Pā’o

Mo le 1 ma le 2 Timoteo; Tito; Filemoni

Tala: E mafai ona e faia mea maoae, e tusa lava po o le a lou laitiiti! O Timoteo o se taitai talavou o le Ekalesia, ma sa aoaoina o ia e Paulo ia avea o se faataitaiga lelei (tagai i le 1 Timoteo 4:12–16). E mafai faapefea ona avea oe ma se taitai ma fesoasoani ia i latou o siomia oe?

Pese: “E Manao Iesu Ia Ou Fai ma Sulu,” (Tusipese a Tamaiti, 38.

Gaoioiga: Nonofo i se lio. Faaaoga ou lima po o fasilaau e ta ta ai pā’o i luga o le palapala. E ta e se tagata toatasi se pā’o puupuu, ma kopi uma e isi. Feauauai e avea ma taitai. A uma lou taimi, faamatala atu e uiga i se taimi na avea ai oe ma se faataitaiga lelei i isi.