“O Le Auala Na Sili Atu Ai Ona Lelei Lo’u Aso Leaga,” Uo, Oke. 2023, 38.
Tusia e Oe
O Le Auala Na Sili Atu Ai Ona Lelei Lo’u Aso Leaga
Ata na tusia e Jared Beckstrand
Sa leaga tele lo’u aso. Sa tatau ona ou alu i la’u taaloga peisipolo, ae sa maluelue ma tiga lo’u nifo. Sa ou tuua se vaega o la’u toniga peisipolo i le fale. Ma sa ou lelava. Ou te lei manao lava e taalo peisipolo i lena aso. Ae sa ou alu pea i le taaloga ona sa tatau ona ou toe tuuina atu se pulou i se tasi o lau au.
Sa ou saofai i luga o nofoa nai lo le auai atu i lau ‘au. Sa maitauina a’u e lo’u faiaoga o nofo ma le faanoanoa i luga o le nofoa. Sa ia uunaia au ou te sau e taalo ona sa manaomia au e le au. Sa ia faaali mai ia te au sa popole o ia ia te au, e pei lava ona maitauina e Iesu i latou o e faanoanoa ma manaomia le lagolagosua.
Ona sau lea o se tasi o le matou au ma tu i ou autafa. Sa ataata mai o ia ia te au ma fesili mai pe o anafea na ou oo mai ai iina. Sa fiafia o ia e vaai mai ia te au ma manao ou te sau e taalo. O lenei tagata o le au sa pei foi o Iesu aua sa popole o ia ia te au. Sa ia faaali mai ia te au le mea e fai e se uo lelei pe a leaga se aso o se tasi. Sa ou fiafia lava sa faaalu e lo’u faiaoga ma se tagata o le au le taimi ou te maua ai se lagona lelei, ma sa iu ina ou taalo i le taaloga peisipolo!
E i ai sa’u faailogatusi e faapea mai, “O se tasi o faatinoga o le agalelei o le a le suia ai le lalolagi, ae e ono suia ai le lalolagi o se tagata e toatasi.” Sa suia e lo’u faiaoga ma se tama taaalo lo’u lalolagi i lena aoauli o le Aso Toonai e ala i le filifili ia agalelei. Ou te iloa e taua le avea faapei o Iesu ma faaali atu le alofa ma le agalelei i tagata uma tatou te feiloai i ai. E silafia e le Tama Faalelagi i tatou taitoatasi ma e alofa ia i tatou. E taua i tatou taitoatasi ia te Ia, o lea Na te auina mai ai tagata agalelei e faaali mai ia i tatou Lona alofa.