“O le a Se Mea o i Lou Mafaufau?” Uo, Oke. 2023, 39.
O le a Se Mea o i Lou Mafaufau?
O loo ou taumafai e taofi se mausa leaga, ae o loo ou faia pea ni mea sese. E mafai faapefea ona ou faia ia sa’o?
—Lotovaivai i Derby
Le Pēlē Lotovaivai,
O le taofia o se mausa leaga e faigata. Ae e matuai aoga lava le taumafai pea, e tusa lava pe faafia ona e faaletonu ai. O le taumafai, toilalo ma toe taumafai o se vaega o le faigamalaga a tagata uma. O lea ia onosai ai ia te oe lava ia. Na aoao mai Elder Dieter F. Uchtdorf, “O lo tatou taunuuga e le fuaina i le aofai o taimi tatou te tautevateva ai ae o le aofai o taimi tatou te tutulai ae ai, tafi ese le pefu mai ia i tatou, ma agai i luma.”1
O lea ia faaauau pea!
O Le Uo
Motugaafa e 5 e Faamalosia Ai Lou Taofia o Mausa
-
Sui se mausa leaga i se mausa lelei. Fuafua se mea e fai nai lo le taimi e faaosoosoina ai oe e fai lau mausa leaga. E mafai ona laitiiti!
-
Faitau i le Tusi a Mamona. “E te manao e aveese se mausa leaga? … Faitau le Tusi a Mamona!” o le saunoaga lea a Russell M. Nelson. “O le a e latalata atili atu ai i le Alii ma Lona mana alofa.”2
-
Fesili atu mo se fesoasoani. Talanoa i au uo ma tagata o le aiga e uiga i au sini ma fai atu ia i latou e lagolago ia te oe.
-
Siomia oe lava i upu faamoemoeina. Filifili se upusii po o se mau e faaosofia ai oe. Tuu i se mea e mafai ona e vaai i ai i aso uma.
-
Taulai Atu i le Tama Faalelagi ma Iesu Keriso. O le motugaafa aupito sili ona taua lenei. Faatasi ai ma i Latou, e mafai ona e faatoilaloina soo se mausa leaga. Tatalo mo la La’ua fesoasoani i aso uma!