Manatuaina o Abuela

Saunia e Dayle Searle

(E faavae i se tala moni)

Ona o Iesu Keriso, o le a tatou toetutu uma ai.

O lenei tala sa tupu i Mekisiko.

Illustrations about a family in Mexico gathering things together to remember their grandma who died. A girl named Lyan is holding a picture in a frame of grandma. There are two little sisters at the table. One of them, named Megan, has a bottle of soda that reminds her of grandma. There mother is holding a plate of “pan de muerto” (sweet bread made for Day of the Dead). Lyan thinks about hugging her grandmother.

O le asō o le aso muamua lea o faafiafiaga mo Día de Muertos, po o le Aso o E ua Maliliu. O se taimi faapitoa lea e manatua ai e pele ua maliliu. E fiafia lava Lyan e faalogo i tala e uiga i lona aiga. Na ia lagonaina ai e pei ua latou i ai iina faatasi ma ia, e tusa lava pe na te lei feiloai lava ia i latou.

Ae o lenei tausaga sa ese. O le a le iai iina le tinamatua o Lyan e latou te faamanatuina faatasi. Sa maliu o ia i ni nai masina ua tuanai. O le taimi la lea, o Abuela o se tasi o tagata o le aiga o le a latou manatuaina faatasi.

Sa aapa atu Lyan ma pa’i lemu atu i le ata o Abuela i luga o le ofrenda (fatafaitaulaga). O ia ma ona uso, o Megan ma Leilani, sa galulue malosi i le vaiaso atoa e sauni ai. Sa latou teuteuina le laulau ma le faaeteete. Sa latou tuuina i luga ata o tagata o o latou aiga. Ma sa latou tuuina ni mea faitino e manatua ai i latou e pele ia i latou i luga foi o le ofrenda.

Sa tuu e Megan se fagu inu suamalie i luga o le laulau.

“Sa fiafia lava Abuela i le ituaiga apa inu suamalie lea,” o le tala lea a Megan. “E tatau ona avea o se vaega o le ofrenda a lo tatou aiga.”

Sa manatua e Lyan le asiasi atu i lo latou tinamatua ma inu apainu suamalie faatasi ma ia. E fai atu e Abuela ia i latou ni fesili ma faalogo i a latou tala. O le mea sili lea e fesoasoani ia i latou e manatua ai o ia. Ina ua vaai Lyan i le apainu suamalie, sa ia manao ia avea o ia ma se tagata faalogo lelei e pei o Abuela.

Sa sau Mama i totonu o le potu ma se ipu o pan de muerto (falaoa a e ua maliliu). Sa taufetuli atu uso o Lyan ia te ia, ma aioi atu e faataitai na tofo ise fasi falaoa. O se ituaiga o falaoa suamalie na aai uma ai tagata i Mekisiko mo Día de Muertos.

“O le a tatou aai ai i se taimi mulimuli,” o le tala lea a Mama. “Mo le taimi nei o le a tumau ai pea lenei ipu i luga o le ofenda (fatafaitaulaga) i autafa o le ata o Abuela.” Sa ia tuuina i luga o le laulau. “E foliga matagofie tele lenei mea! O lea la ua na o le pau le mea tatou te manaomia o le faatali mo Papá e sau i le fale mai le galuega.” Sa latou saofafai i lalo ma teineiti i luga o le sofa e faatali.

“Ua ou misia Abuela,” o le tala lea a Lyan. “Maimau pe ana mafai ona tatou toe vaai ia te ia i lenei taimi.”

Sa fusi e Mama ia Lyan i se opo tele. “Ua ou iloa. Ua ou misia lava foi o ia. E fesoasoani ia te au e iloa ai ona o Iesu Keriso, o le a tatou toetutu uma ai. Ma talu ai sa faamauina i tatou i le malumalu, o le a tatou faatasi uma o se aiga i se aso.”

O upu a Mama na lagona ai e Lyan le fiafia i lona loto. Sa ia mafaufau e toe vaai ia Abuela ma tuuina atu ia te ia se opo tele.

Illustrations about a family in Mexico gathering things together to remember their grandma who died. A girl named Lyan is holding a picture in a frame of grandma. There are two little sisters at the table. One of them, named Megan, has a bottle of soda that reminds her of grandma. There mother is holding a plate of “pan de muerto” (sweet bread made for Day of the Dead). Lyan thinks about hugging her grandmother.

Sa matala le faitotoa, ma savali mai Papa i totonu. Sa alaga fiafia Leilani.

“O Papa ua i le fale! O le taimi mo le pan de muerto (falaoa a e ua maliliu) ma le iputi sukalati vevela!” O le tala lea a Megan.

“Ma faamatala ni tala e uiga ia Abuela!” Sa fai atu ai Lyan. Na te misia lava Abuela i taimi uma, ae sa fiafia o ia sa i ai mea e mafai ona ia faia e manatua ai o ia. Sa ia iloaina ona o Iesu Keriso, o le a ia toe vaai ai ia Abuela i se aso.

tala PDF

Ata na tusia e Liz Brizzi