Ausia o A’u Sini

Saunia e Erica A., 8 tausaga, Vaega Tutotonu i Kana

A o ou laitiiti, sa ou le iloa pe faapefea ona faitau. Sa ou tatalo i le Tama Faalelagi e fesoasoani mai ia te au. Sa amata ona ou aoaoina vaueli ma konesane. Faatasi ai ma le fesoasoani a le Tama Faalelagi, ua mafai nei ona ou faitau lelei.

I le taimi nei ua valu o’u tausaga. Ou te fiafia e faitau le Tusi a Mamona ma le mekasini o le Uo . Sa ou saunia e papatiso e ala i le faitau e uiga i feagaiga o le papatisoga i le mekasini. O le aso na ou papatiso ai o le aso sili lea o lo‘u olaga!

E faamalosiauina a’u e o’u matua, peresitene o le Peraimeri, ma le epikopo ia ou aoao ma tuputupu ae. E fesili mai lo’u epikopo ia te a’u i vaiaso taitasi i mea ua ou aoaoina mai le Tusi a Mamona. Sa ou faatutuina foi ni sini i le Tusitaiala a Tamaiti. O nisi o sini na ou setiina o le faitauina lea o tusitusiga paia i aso uma, tatalo soo, fufulu ou nifo faalua i le aso, ma fai gaoioiga i le mekasini o le Uo .

Sa ma faatu faatasi foi ma lo’u tuagane se sini. Sa ma auai atu i le aufaipese a le siteki. O maua o tagata auai aupito laiti! Ma te fiafia e usu viiga.

Ou te fiafia e galue i a’u sini. Ou te faafetai i lo tatou Tama Faalelagi mo Lana fesoasoani.