Tusia e Oe

O Popo ma le Sefuluai

Saunia e Avehei M., 11 tausaga, Tahiti, Farani Polenisia

Talofa! O lo’u igoa o Avehei. Ou te nofo i Tahiti! I lo’u motu, ou te fiafia e i ai i fafo. Ou te alu i savaliga sopo ma taele i le vaitafe po o le sami. Ou te fiafia foi e faia ni mea ma lo’u aiga. Ou te fiafia e kuka, taalo i taaloga o kata, ma savali sopo. Ou te fiafia e taalo polo ma a’ea’e i laau faatasi ma lo’u tuagane ma tausoga.

I le taimi o le malologa o le taumafanafana, ma te galulue ai ma lo’u tuagane i se toga niu. Matou te tufiina ni popo ma tuu i se faaputuga tele. Matou te taalaoina foi laulaau mamago ina ia tumau pea le mama o le toga niu.

E totogi i matou e le tama o le tamamatua pe a matou galulue i le toga niu. Ou te totogiina i taimi uma la’u sefuluai i tupe ou te maua. Sa ou aoao mai i lo’u aiga ma faiaoga o le Peraimeri le auala e totogi ai le sefuluai.

Ou te totogi le sefuluai aua ou te iloa e faamanuiaina ai a’u ma lo’u aiga pe a ou usitai. Ua faamanuiaina a’u i lo’u aiga, se fale, ma se lalolagi matagofie ua siomia ai a’u.

Ou te iloa o loo soifua le Atua ma e alofa o Ia ia te a’u. Ou te faafetai i le Tama Faalelagi mo le aiga na Ia tuuina mai ia te a’u.

O Le A Le Sefuluai?

Ua faasoa atu e tagata o le Ekalesia le tasi vaesefulu o a latou tupe maua i le Ekalesia a le Atua. O a tatou tupe o le sefuluai e fesoasoani e fausia ai malumalu ma falelotu ma fesoasoani ai i tagata e manaomia le fesoasoani. O le sefuluai o se tasi lea o auala tatou te faasoa atu ai o tatou faamanuiaga i isi. Ua leva ona tuuina mai e le Atua ia i tatou lenei poloaiga, i taimi o le Feagaiga Tuai (tagai Kenese 14:18–20). O le totogiina o le sefuluai o se auala lea e faaali atu ai lo tatou alolofa mo le Tama Faalelagi.