“O Gaoioiga o leSau, Mulimuli Mai ia te A’u,” Uo, Nov. 2023, 10–11.
O Gaoioiga o le Sau Mulimuli Mai ia te A’u
Mo afiafi faaleaiga po o le suesueina o tusitusiga paia—pe tau lava o se mea malie!
O Iesu Keriso O Lo Tatou Taiala
Mo le Eperu 1–6
O Ata na tusia e Katy Dockrill
Tala: O Iesu Keriso “o le kapeteni o lo [tatou] olataga” (Eperu 2:10). O se kapeteni e taialaina se vaa i luga o le sami. E mafai foi e Iesu ona taiala i tatou i le lagi ina ia mafai ona tatou nonofo faatasi ma Ia i se aso!
Pese: “Ua Naunau ia te Oe” (Viiga, nu. 57)
Gaoioiga: Tusi se ata o se vaa i luga o galu. Ona tusi lea pe talanoa e uiga i auala e mafai ona e mulimuli ai ia Iesu Keriso. E faapefea ona Ia taiala oe i lou olaga?
O Toa o le Faatuatua
Mo le Eperu 7–13
Tala: Fai mai tusitusiga paia o le faatuatua o lona uiga o le talitonu i mea e le mafai ona e vaaia (tagai Eperu 11:1). O leEperu 11 o loo faamatala mai ai tala e uiga i le toatele o tagata sa faatuatua. O le i ai o le faatuatua ia Iesu Keriso e aumaia ai ia i tatou le filemu ma le lototele.
Pese: “Faatuatua” (Tusipese a Tamaiti, 50–51)
Gaoioiga: Feauauai i le filifilia o se toa mai se mau mai le Eperu 11. Ia fai mai e isi tagata uma ni fesili e taumate ai le toa. E mafai faapefea ona e maua le faatuatua e pei o tagata i tusitusiga paia?
Auaunaga Faasese’e
Mo Iakopo
Tala: Na aoao mai le Aposetolo o Iakopo e tatau ona tatou fesoasoani ia i latou e le tagolima (tagai Iakopo 1:27). O ai o manaomia lau fesoasoani?
Pese: “Pe a Tatou Fesoasoani,” (Tusipese a Tamaiti, 108)
Gaoioiga: Fai se tuuga! Seti se laina amata ma le tini. Ona me’i atu lea i le tini e ala i le faasese’e o ou vae i luma e aunoa ma le siiina i luga. O le tagata manumalo o le tuuga e filifilia se faatinoga faigofie o le auaunaga mo le vaega e fai, e pei o le auina atu o se savali agalelei i se tasi po o le asiasi atu i se tasi ua tuuatoatasi.
Fesoasoani mo o Tatou Tuaa
Mo le 1 ma le 2 Peteru
Tala: E mafai e o tatou tuaa ona aoao e uiga i le talalelei pe a mavae le oti (tagai 1 Peteru 4:6). I totonu o le malumalu, e mafai ona papatisoina i tatou mo i latou ma fesoasoani ia i latou e mulimuli ia Iesu Keriso!
Pese: “Talafaasolopito—O Lea Ou Te Faia” (Tusipese a Tamaiti, 100).
Gaoioiga: Faaaoga poloka po o poloka suka e fausia ai se malumalu. E mafai faapefea ona e saunia e ulu atu i le malumalu?
Tuuina Atu o le Alofa
Mo le 1–3 Ioane; Iuta
Tala: E alofa le Tama Faalelagi ia i tatou uma! Na aoao mai i tatou e le Aposetolo o Ioane ia alolofa foi i isi (tagai 1 Ioane 4:19, 21). E mafai faapefea ona e faaali atu le alofa i isi?
Pese: “A I Ai le Alofa” (Tusipese a Tamaiti, 76)
Gaoioiga: Sue i le itulau 12 e fai ai se meataulima o le fatu. Ona avatu lea o fatu i tagata e te alofa i ai!