Sa Faamalolo e Iesu Keriso se Alii

Aveese le itulau lenei ma gaugau i le ’afa. Ona uu lea i luga o le ata a o e faamatalaina le tala.

I se tasi aso, na vaai ai Iesu Keriso i se alii sa tauaso. Sa manatu nisi tagata na faia e le Atua ia tauaso lenei alii e faasala ai o ia. “Pe na agasala lenei alii? Pe na agasala ona matua?” sa latou fesili ai.

Na fetalai Iesu o le tauaso o lenei alii e le o se faasalaga. “E le’i agasala lenei alii, po o ona matua,” sa Ia fetalai atu ai.

Sa tuu e Iesu sina ’ele i mata o lenei alii. Ona Ia fai atu lea i le alii e fufulu i totonu o se faatanoa vai. Ina ua faia e le alii le mea na fetalai ai Iesu, sa faamaloloina o ia! Ua mafai ona vaai lenei alii.

O nisi taimi e tutupu ai mea faigata ia i tatou. E mafai e Iesu Keriso ma le Tama Faalelagi ona fesoasoani ia i tatou ia aoao, tuputupu a’e, ma maua le filemu. E alolofa ia La’ua ia i tatou ma mananao e faamanuia i tatou!