Ua Saunia Akoni mo le Malumalu

Feiloai ia Akoni ma aoao pe na faapefea ona ia saunia e alu i le malumalu.

E 12 tausaga o Akoni. E nofo o ia i Niu Mekisiko, ISA, i le Malo o Navajo. O se eria lenei o le Iunaite Setete e pulea e tagata Navajo. E silia ma le 250,000 tagata e nonofo ai iina.

A o laitiiti Akoni, sa ia vaaia ona tei matutua e o i Tamaitai Talavou ma Alii Talavou.

Sa ia vaaia foi lo latou fiafia ina ua latou o atu i le malumalu. Sa fiafia foi Akoni e asiasi i le malumalu.

Sa saunia Akoni mo Alii Talavou e ala i le auai i le lotu ma talanoa ma lona aiga.

Sa ia faia ni fesili e uiga i le malumalu ina ia saunia ai o ia e alu i totonu.

“Sa ou popole e alu i le malumalu mo le taimi muamua,” o le tala lea a Akoni. “Ae a ou i ai i totonu o le malumalu, ou te lagona le saogalemu.”

O le malumalu aupito lata ane ia Akoni o le Malumalu o Albuquerque Niu Mekisiko. O se malaga e fa itula le mamao. Ua fiafia Akoni o le a vave ona fausia se malumalu fou e latalata ane.

Ua faamoemoe Akoni e auauna atu i se misiona i se tasi aso, e pei lava o ona tei matutua.

Ua amata ona ia faasoa atu le talalelei e ala i le valaauliaina o lana uo i le lotu. E manao o ia e avea ma se faataitaiga i lona uso laitiiti ma isi foi!

O alā uumi i lenei ata ua ta’ua o “apaau o ala.” E taua lenei nofoaga i tagata Navajo.