O Talafou o le Konafesi

Upusii mai le Konafesi

“O le talalelei a Iesu Keriso o se fuafuaga lea ua faaali mai ai ia i tatou le auala e avea ai ma tagata ua finagalo lo tatou Tama Faalelagi e avea ai.”

Peresitene Dallin H. Oaks, Fesoasoani Muamua i le Au Peresitene Sili

“O Iesu o le Keriso. O Ia o lo tatou Faaola, o lo tatou Togiola. O Ia o la tatou uo mamae.”

Peresitene M. Russell Ballard, Sui Peresitene o le Korama a Aposetolo e Toasefululua

“Ona o Iesu Keriso, e mafai ai ona LELEI mea uma.”

Sister Amy A. Wright, Fesoasoani Muamua i le Au Peresitene Aoao o le Peraimeri

Maimoaina o le Konafesi i le salafa o le Lalolagi

Ona o le eseesega o le taimi, matou te matamata ai i sauniga o le taeao o le konafesi i le afiafi. Sa matou fiafia lava ina ua faasilasila mai e Peresitene Nelson ia malumalu fou!

Sofia D., 11 tausaga, Bratislava Region, Slovakia

Matou te saunia mo le konafesi e ala i le o e faatau ni meaai mama ma malolo ina ia matou le momoe i le ogatotonu o le konafesi. Matou te tatalo o se aiga mo le malamalama ma faitau tusitusiga paia. Ou te fiafia lava e faalogo i se perofeta soifua ma faalogo i le afioga a le Atua.

Runakorwashe S., 7 tausaga, Eria i Saute, Malawi

O le matamata i le konafesi na ou manao ai ia ou latalata atu ia Iesu Keriso. O Ia o le Leoleo Mamoe Lelei, ma e popole o Ia ia i tatou, o Ana mamoe. O nisi taimi tatou te fesesea’i teisi ai, ae e afio mai lava o Ia e saili i tatou.

Efrain C., 9 tausaga, San Juan Province, Atenitina

20 Malumalu!

E 20 malumalu fou na faasilasila mai i le konafesi! Faaaoga se faafanua e sue ai nofoaga fou taitasi o malumalu. Valivali le avanoa i le auivi o le malumalu pe a e mauaina nuu taitasi.

Savaii, Samoa

Cancun, Mekisiko

Piura, Peru

Huancayo, Peru

Viña del Mar, Chile

Goiania, Pasila

João Pessoa, Pasila

Calabar, Nigeria

Cape Coast, Kana

Luanda, Angola

Mbuji-Mayi, Democratic Republic of the Congo

Laoag, Filipaina

Osaka, Iapani

Kahului, Hawaii, ISA

Fairbanks, Alaska, ISA

Vancouver, Uosigitone, ISA

Colorado Springs, Colorado, ISA

Tulsa, Oklahoma, ISA

Roanoke, Virginia, ISA

Ulaanbaatar, Monokolia

Sefuluai ma Taulaga

I le konafesi, sa matou aoaoina ai nisi o auala e faaaoga ai e le Ekalesia a tatou tupe o sefuluai ma foai e faamanuia ai tagata i le lalolagi atoa!

• I le tausaga ua tea, sa faaaoga ai le silia ma le 1 piliona tala Amerika, e faamanuia ai i latou sa manaomia le fesoasoani.

• O le isi 54 miliona tala Amerika, sa fesoasoani i tina ma fanau e le tagolima.

• E fesoasoani le sefuluai e lagolago ai le silia ma le 71,000 faifeautalai o loo auauna atu i misiona e 414.

• E fesoasoani foi le sefuluai e tausia ai aulotu e 30,000 i atunuu ma teritori e 195 .

Lesona o le Olaga mai le Perofeta

Na atoa le 99 tausaga o Peresitene Nelson i le tausaga nei! I lana lauga, sa ia faasoa mai ai nisi o lesona na ia aoaoina i le toeitiiti atoa le 100 tausaga o le olaga. Sue i le itulau e 2 e faitau ai mea sa ia aoao mai.