“Talofa mai Initonesia!” Uo, Nov. 2023, 18–19.
Talofa mai Initonesia!
Aoao e uiga i fanau a le Tama Faalelagi i le lalolagi atoa.
O Initonesia o se atunuu i Asia i Sautesasae. E silia ma le 17,000 ona motu! Toeitiiti 280 miliona tagata e nonofo ai iina.
O Se Ekalesia Tuputupu A’e
Sa asiasi atu Peresitene Russell M. Nelson i tagata o le ekalesia i le laumua, o Jakarta, i le 2019. Ma i le konafesi aoao ia Aperila 2023, sa ia faasilasila mai ai o le a fausia se malumalu iina!
O Nofoaga o Tapuaiga
O Initonesia e aupito sili ona tele le faletapuai faaIsalama i Asia Sautesasae. O loo i ai foi le malumalu lotu Puta aupito tele i le lalolagi.
O Se Maugamu Lanumoana!
O Initonesia e sili atu ona tele maugamu o loo ola pea nai lo se isi lava atunuu. O le maugamu o Kawah Ijen e i ai ni afi lanumoana e mafai ona vaaia i le po.
E Te Tautala i La’u gagana?
O le FaaInitonesia o le gagana aloaia lea. Ae e silia ma le 700 gagana o loo tautalagia i Initonesia! O le mau tauave o lo latou atunuu o lona uiga “E toatele, ae tasi” e faaali atu ai ua latou lotogatasi.
Laueleele o Tarako
O tarako Komodo o pili aupito tetele ia i le lalolagi. E mafai ona oo i le 10 futu (3 m) o latou uumi!
Ata na tusia e Conner Gillette